Bu mavsum yozgi transfer Superliga birinchi davrasi tugamasdan ochildi va yopildi. Albatta, klublar o'rtasida ehtimolga molik o'tishlar yuz berdi, biroq o'ta shov-shuvli transfer amalga oshmadi.
Telegram kanalimizga shu mazmunda so'rovnoma qo'ygandik va bunda besh nafar o'tishni variant sifatida keltirgandik. So'rovnoma yakunlariga ko'ra, futbolchilar orasida eng ko'p ovozni Jasur Jaloliddinov to'pladi. Uning "Andijon"dan "Lokomotiv"ga o'tishi 22 foiz ovoz yig'di.
Bu borada keyingi o'rinni 13 foiz ovoz bilan Bahrom Abdurahimov egalladi. Xabaringiz bor, mavsumning birinchi yarmini "Navbahor"da o'tkazgan Abdurahimov yana qadrdon klubi "Nasaf"ga qaytdi. Martin Boake, Sardor Abduraimov, Xumoyun Murtazoev kabi futbolchilar esa nisbatan kam ovoz to'plashdi.
SHov-shuvli transfer endi bo'ladi varianti eng ko'p - 52 foiz ovoz to'plagan bo'lsa-da, transfer oynasining oxirgi kunida ham aynan Superliga klublari orasida bunday transfer kuzatilmadi. Bu o'rinda biz asosan Superliganing bir klubidan ikkinchisiga o'tgan futbolchilarga etibor qaratdik va jamoalar qo'shib olgan legionerlar yoki bo'lmasa, legioner bo'lib chetda o'ynab yana O'zbekistonga qaytgan futbolchilarni inobatga olmadik.
Bosh sahifaga
158
