Karrager: "Liverpul" tarkibini kuchaytirmasa, "Siti"ni pastga tushirish qiyin bo'ladi"

"Gap sonda emas, sifatda. Agarda tarkibni kuchaytirmasa, "Manchester Siti"ni pastga tushirish qiyin bo'ladi. Keling, ECHLni yutgan "CHelsi" va yozgi transferlar oynasi vaqtida Varan va Sanchoni transfer qilgan "Manchester Yunayted"ni yoddan chiqarmaylik.

"Liverpul"da gol uradigan futbolchini ko'rishni istayman. Klub meni havotirga solmoqda. Jamoa titul uchun kurashadigan darajada ko'p gol urishi kerak.

Sadio Manedan yaxshi mavsumni kutyapman. O'tgan mavsum u uchun yaxshi o'tmadi, biroq mavsumlar oralig'ida u o'zini yaxshi ko'rsatdi. Umid qilamanki, Sadio "Liverpul"ning gollarida ishtirok etadi", - dedi Karrager.