Ushbu uchrashuvda jamoaning tezkor futbolchilaridan biri Azizbek Amonov o'zining dubli bilan "Lokomotiv"ga g'alaba keltirdi. Yakunda futbolchi saytimiz tomonidan 13-turning eng yaxshi futbolchisi, deb topildi. Biz bu borada Azizbek Amonovning fikrlari bilan qiziqdik.
"Nasaf" bilan yaxshi o'yin o'tkazdik. Bahs muxlislarbop chiroyli bo'ldi, deya olaman. Raqibning qanday kuchga ega ekanligini hamma yaxshi biladi. SHunday ekan ortiqcha tariflash shart emas. Omad bizga kulib boqdi. Bundan xursandmiz. Gol urib jamoamning g'alabasiga hissa qo'shdim. Gollarimni ota-onamga bag'ishlayman. "Lokomotiv" har bir uchrashuvga maksimal tayyorgarlik ko'radi. To'g'ri gohida omad bizdan yuz o'girmoqda. Lekin futbol shunisi bilan jozibalidir.
Hujum chizig'ida o'ynash men uchun begona emas. Oldin ham bu poziciyada to'p tepganman. Temurxo'ja Abduxoliqov va Marat Bikmaevda jarohat borligi uchun "Istiqlol" bilan o'rtoqlik uchrashuvida murabbiylar meni sinab ko'rishdi. Murabbiyga harakatlarim maqul kelgan shekilli, masuliyatli uchrashuvda ham ishonch bildirdi.
To'g'ri "Lokomotiv" har doim to'pni raqib jarima maydonchasida nazorat qilishga, o'yinni boshqarishga urg'u qaratardi. Bu gohida o'xshasa, bazida raqiblar qarshi hujumda jazolab ketardi. "Nasaf" yaxshi shakllangan jamoa. Ular bizni ikkinchi chiziqda o'ynashimizga majbur qilishdi. Murabbiyimiz hech qachon himoyaviy futbol o'ynamaymiz degan. Biz hisobda oldinga chiqib olganimizdan so'ng raqib hujumlar sonini oshirdi va tezlashdi. Bunday vaziyatda qarshi xujumda imkoniyatlarimiz bo'lishiga ishongandik. Mikael Sekeyra to'g'ri himoyalanib, o'yinni boshqarishni o'rgatmoqda. Xudoga shukur bu "Nasaf" bilan bahsda samara berdi",- deydi Aziz Amonov.
Bosh sahifaga
83
