FIFA bu ro'yxatni tuzishda avvalambor terma jamoalarning FIFA bayrog'i ostida o'tadigan o'yinlari, shuningdek Olimpiada uchrashuvlariga (saralash bahslari ham inobatga olingan) etibor qaratgan.
Mazkur ro'yxatning birinchi o'rnida malayziyalik sobiq futbolchi So CHin Ann turibdi. Bu futbolchi Malayziya milliy terma jamoasi safida 1969 - 1984 yillar oralig'ida jami 195ta o'yin o'tkazgan. Ikkinchi o'rinda quvaytlik Badr Al Mutva 185 o'yin bilan borayotgan bo'lsa, uchinchi o'rinni misrlik Ahmad Hassan 184 o'yin bilan egallab turibdi.
Ro'yxatdan besh nafar o'zbekistonlik futbolchilar ham o'rin oldi. Ketma-ketlikda sanaydigan bo'lsak, milliy terma jamoamizda eng ko'p uchrashuv o'tkazgan futbolchi bu - Server Jeparov. Jeparov hisobida 127ta o'yin bor. Osiyoning ikki bor "Eng yaxshi futbolchisi" deb topilgan Jeparov 2002 - 2017 yillar oralig'ida shunday natija qayd etgan.
Server Jeparov - 127 o'yin (2002-2017 yillar)
Timur Kapadze - 117 o'yin (2002-2015 yillar)
Odil Ahmedov - 108 o'yin (2007-2021)
Ignatiy Nesterov - 105 o'yin (2002-2019)
Anzur Ismoilov - 102 o'yin (2007-2019)
FIFA taqdim etgan ro'yxatda mashhurlar ko'p. Quyida 150 va undan ko'p o'yinlarda ishtirok etgan asosiy futbolchilarni keltirib o'tamiz.
Serxio Ramos (Ispaniya) - 180 o'yin (2005-2021)
Krishtianu Ronaldu (Portugaliya) - 179 o'yin (2003-2021)
Muhammad Al Deayya (Saudiya Arabistoni) - 178 o'yin (1993-2006)
Janluidji Buffon (Italiya) - 176 o'yin (1997-2018)
Amir SHafi (Iordaniya) - 171 o'yin (2002-2021)
Iker Kasilyas (Ispaniya) - 167 o'yin (2000-2016)
Sami Al Jaber (Saudiya Arabistoni) - 156 o'yin (1992-2006)
Lendon Donovan (AQSH) - 155 o'yin (2000-2014)
Yasuxito Endo (Yaponiya) - 152 o'yin (2002-2015)
Hassan Al Haydos (Qatar) - 152 o'yin (2008-2021)
Lionel Messi (Argentina) - 151 o'yin (2005-2021)
Lotar Matteus (Germaniya) - 150 o'yin (1980-2000)
Bosh sahifaga
303