"Birinchi o'rinda "Yangier" jamoasini g'alaba bilan tabriklayman. Tanaffusdan keyin birinchi uchrashuv bo'lgani uchun qiyin bo'ldi. Ushbu uchrashuvda qanday holatda ekanligimizni ko'rib olmoqchi edik. Raqib yaxshiroq o'ynadi. O'yinga har tomonlama tayyor ekanligi ko'rinib turdi. Xatolarni ko'rib, o'rganib chiqamiz. Maydon maysasini balandligi va kurashlar ko'p bo'lgani bunga sabab bo'ldi. To'pni yurishi qiyin kechdi. SHu bois bizning futbolchilar moslashishda muammolarga duch keldi. Raqib esa ancha moslashib olgandi. O'zini erkin tutdi. Ikkinchi bo'limda o'n kishi bo'lib qolganimiz o'z tasirini o'tkazdi. SHunga qaramay yaxshi harakat qilishdi. Lekin vahima qilish kerak emas. Mag'lubiyatlar bo'lib turadi. O'ylaymanki, biz to'g'ri xulosa chiqaramiz. Keyingi o'yinda bundan ham kuchliroq harakat qilamiz va oldimizga qo'ygan maqsadimizga erishamiz",- deydi Timur Kapadze.
- Qizil kartochka bo'lgan vaziyatga etirozingiz yuqmi?
- O'sha holatda himoyachi bo'sh va erkinroq harakat qildi. Oddiy vaziyatda xatoga yo'l qo'ydi. Hakamlar balki to'g'ri qaror qabul qilgandir. Lekin o'yin tugadi. Hech narsani o'zgartirib bo'lmaydi. Biz o'z xatolarimizni o'rganib chiqamiz.
- Jamoa davralar oralig'ida Minskda o'quv-mashg'ulot yig'inini o'tkazdi. Ikkinchi davraga tayyorgarlik va transferlardan ko'nglingiz to'ldimi?
- Yangi kelgan futbolchilar ancha iqtidorli. Minskdagi yig'in ancha yaxshi o'tdi. O'rtoqlik uchrashuvlarida ham yaxshi natijalar qayd etildi. Kamchiliklarni bilib olish uchun yaxshi sparring raqiblar bo'ldi. Biroq bu o'yin bilan solishtirish qiyin. O'yin 17:30da boshlandi. Bunday paytda havo issiqligi ham tasirini o'tkazadi. "Yangier" maydoniga kelgan har bir jamoa qiynaladi. Kurashlar ko'p bo'lishini bilgan holda tayyorgarlik ko'rgandik. Baribir qiynalishdi.
- Transferlar oynasida tarkibiga qo'shib ololmagan futbolchilar ham bo'ldimi?
- Albatta bo'ldi. Klublar ham osonlikcha qo'yib yubormaydi. Menimcha o'rinbosarlar jamoasida o'ynagandan ko'ra, Pro ligada o'ynagan yaxshiroq. Hamma o'z klubi manfaatini o'ylaydi. O'zimizga yoqqan kelajagi bor futbolchilarni safimizga qo'shib oldik. Qay darajada o'sishga erishadi, o'zini ko'rsata oladimi, buni vaqt ko'rsatadi.
 Yangiyer Sheroz Jalolov - 19', Fahriddin Alimov - 83' | PRO liga. 14-tur 04/08/2021, 17:30 0 : 2 Tugadi |  Olimpik |
Bosh sahifaga
294