"O'yin kurashlarga boy o'tdi, deya olaman. Derbiga mos uchrashuv bo'ldi. Menimcha yaqin tarixda bunday shiddatli derbi bo'lmagandi. O'z futbolchilarimga etirozim yo'q. Natija esa qoniqarli. Ayni paytda turnir jadvalining quyi qismida keskin raqobat kechmoqda. SHu bois bunday vaziyatda ochko yo'qotish alamli albatta. Agarda raqib birinchi bo'limda yoki biz vaziyatlardan foydalana olganimizda hisob boshqacha bo'lishi mumkin edi. Abdulazizxon Abdurashidov qoidani buzmaslik haqida ko'rsatma beryapmiz. Bugun yana jarimadan to'p o'tkazdik",- deydi Igor SHkvirin.
- Darvozabonning o'yinidan qay darajada qoniqdingiz? Bugun "Turon" posboni ko'plab texnik xatolarga yo'l qo'ydi...
- Qoniqdim yoki qoniqmadim, bu haqida biror narsa deyish qiyin. Birinchidan to'g'ri u xato qildi. "Qo'qon-1912"ning golida xatoga yo'l qo'ygani qoniqtirmadi. Buning ustida ishlashi kerak. Umuman olib qaralganda masalan "Qizilqum"ga ham standartdan gol urishmoqda. Bu - futbol.
- Jamoaga ochko kerak bo'lgan o'yinda nima uchun boshlang'ich tarkibda bitta ham hujumchi maydonga tushmadi? Humoyun Murtazoevni zaxiradan bo'lsa ham o'yinga qo'shilmagani nima bilan bog'liq?
- Etiboringiz uchun hujumda Ixtiyor Toshpo'latov o'ynadi. U yarim himoyachi? Buni sizga kim aytdi? Ushbu futbolchi "So'g'diyona"da ishlaganimda hujumchi sifatida o'ynagan. Unda universallik bor. So'nggi ikki yilda "Metallurg"da boshq poziciyada o'ynagan bo'lishi mumkin. Humoyun Murtozaev hali tayyor emas. Hujumchida moslashish jarayoni kechmoqda. SHu bois Toshpo'latovni hujumchi sifatida sinab ko'rdik. Keyin Kim Bo Yongni tushirdik. SHunday ekan ikkita hujumchi bilan o'ynadik.
2184825685739827 
Bosh sahifaga
233
14 Mart 2026, 09:36