Ushbu bahsda mezbonlar posboni Milan Mitrovich juda yaxshi o'ynadi. U bellashuv davomida jamoasini bir necha bor muqarrar gollardan saqlab qoldi. SHu bois Championat.asia sayti talqiniga ko'ra, 14-turning eng yaxshi darvozaboni Milan Mitrovich bo'ldi. Biz bu borada serbiyalik kiperning fikrlari bilan qiziqdik.
"Navbahor" bilan oson bo'lmagan o'yinni o'tkazdik. Boz ustiga biz o'z maydonimizda to'p tepganimiz yo'q. Raqib esa ikkinchi davrada o'z safiga bir qator tajribali legionerlarni qo'shib olgani bois etarlicha qarshilik ko'rsatishi kutilgandi. Jamoamizda qaysidir manoda ruhiy tomondan bosim bor edi, deya olaman. Oldingi to'rtta turda turnir jadvalidagi raqobatchilarimiz bilan o'ynagandik. Fikrimcha, "Navbahor" darvozasiga o'z vaqtida yo'l topa olganimiz foydamizga ishladi. Goldan so'ng reja o'zgardi va ko'proq himoyaga etibor qaratildi. Yaxshi himoyalandik va yakunda g'alaba bizga nasib qildi. Maqsadimiz sari intilishda davom etamiz.
VAR tizimiga izoh bermagan bo'lardim. "Nasaf" bilan o'yinni yaxshi eslasangiz, biz gol urdik. Lekin hakamning yakuniy qaroridan so'ng golimiz bekor bo'ldi. Natijada mavsumdagi ilk mag'lubiyatni qabul qilib oldik. VAR tizimi joriy qilingandan beri futbolda ko'p narsa o'zgarib ketdi. Bu borada fikr bildirish bizning vakolatimizga kirmaydi. Har kimning o'z qarashi bor. VAR gohida yordam bemoqda, gohida esa aksincha. Futbol shunisi bilan qiziqarli sport turi hisoblanadi",- deydi Mitrovich.
Superliga. 14-tur laureatlari
Bosh sahifaga
207