SHu kuni termizliklar safida Jasur Xolto'raev juda faol o'ynadi va aynan unga nisbatan ishlatilgan qo'pollikdan keyin bosh hakam "Metallurg" darvozasiga penalti belgiladi. O'sha penaltidan urilgan gol esa o'yin taqdirini hal qildi. SHu tariqa, Jasur Xolto'raev championat.asia talqiniga ko'ra 14-turning eng yaxshi futbolchisi deb topildi. Biz bu borada hujumchining fikrlari bilan qiziqdik.
"Metallurg" bilan uchrashuvga jiddiy hozirlik ko'rgandik. Bu yakunda samarasini berdi. Muxlislarimiz uzoq kutgan g'alabani qo'lga kiritdik. Jamoamizga avvalgi uchrashuvlarda omad etishmadi. Yana bazi bir bahslarda futbolchilarimiz jarohat olgani pand berdi. Qolaversa zaxiramiz tor edi. Ikkinchi davrada 5 nafar yangi futbolchi olindi. Endilikda har bir futbolchi o'z poziciyasidagi o'rnini saqlab qolish uchun astoydil kurashadi. Navbatdagi bahslarda ham g'alaba uchun maydonga chiqamiz.
Uchrashuvning 60-daqiqasidan so'ng maydonda bir kishi kam bo'lib qoldik. Buning natijasida uslubimizni o'zgartirib qarshi hujumlardan samara chiqarishga harakat qildik. So'nggi daqiqalarda menda imkoniyat bo'ldi. "Metallurg" hujumga o'tib himoyani esdan chiqargandi. Akbar Ismatullaevni aldab o'tayotganimda u oyog'imga xalaqit berdi va yiqtdi. Ichimdan juda xursand bo'ldim. Nikita Pavlenko nuqtaga yaqinlashayotganda vaziyat gol bilan tugasin deb duo qilib turdim. G'alabaga oz bo'lsada hissamni qo'shganimdan xursandman",- deydi Jasur Xolto'raev.
Superliga. 14-tur laureatlari
Bosh sahifaga
98
