29 iyul kuni elon qilingan transferga ko'ra, Matich klub bilan 2021 yil oxiriga qadar shartnoma tuzgan.
Matichning "Bunyodkor"ga qarshi 20 daqiqalik o'yini
Boyan "Paxtakor"dagi dastlabki uchrashuvini poytaxtning boshqa bir klubi — "Bunyodkor"ga qarshi o'tkazdi.
InStat`ning malumotlariga ko'ra, Matich ushbu uchrashuvda 20 daqiqagina maydonda harakat qilgan. U o'yinning 75-daqiqasida SHerzod Temirovning o'rniga maydonga tushgan edi. SHu 20 daqiqa ichida Boyan 4 marta pas bergan va ularning 3 tasi yoki 75 foizi aniq. Futbolchi 3 marta to'p yo'qotgan va 1 ta yakkakurashda yutqazgan.
"Paxtakor" jamoasi bosh murabbiyi Piter Xyuistraga uchrashuvdan keyingi matbuot anjumanida futbolchining debyuti haqida savol berdim. Murabbiy futbolchining 2 kun avval kelganligini aytgan edi o'shanda.
"Atigi 2 mashg'ulotimizda ishtirok etdi. Uning jismoniy holati qanday ekanligini bilmasdim va shu boisdan unga jismoniy yuklamalar berganim yo'q. Boyanni 20 daqiqa qolganida maydonga tushirdim va unga o'yin taktikasini, jamoaning uslubini ko'rib, o'rganib olishini aytdim. U bilan dekabr oyiga qadar shartnomamiz bor. Navbatdagi o'yinlarda unga imkoniyat taqdim qilinadi va Boyan butun O'zbekistonga o'zining qanday futbolchi ekanligini ko'rsatadi. Matich umuman olganda yaxshi futbolchi", — degan edi Xyuistra.
"Nasaf"ga qarshi 91 daqiqa va 1 ta gol
Boyan Matich Qarshining "Nasaf"iga qarshi asosiy tarkibda maydonga tushdi.
Futbolchi mazkur bahsda jami 91 daqiqa maydonda harakat qildi. U 86-daqiqada zaxiraga olindi va uning o'rniga SHerzod Temirov bahsni davom ettirdi.
Matich 1 ta gol urish uchun imkoniyatga ega bo'ldi va undan foydala oldi. 3 marta o'yindan tashqari holatda qolib ketgan Boyan, o'yin davomida 2 marta zarba berdi va ularning 1 tasi aniq bo'ldi. Jami 9 bor pas berdi va ularning 67 foizini aniq amalga oshirdi. 12 marta to'p yo'qotgan futbolchi, 19 ta yakkakurashning 32 foizida yutib chiqqan. 12 marta havoda to'p uchun kurashgan Matich ularning 25 foizida yutgan. Uning 1 marta to'pni olib qo'yishga uringanligi samarasiz yakunlangan.
O'sha o'yindan keyin ham Piter Xyuistraga Matich haqida savol berdim.
"Boyan Matich haqida fikrim ijobiy. Mehnat qilishdan to'xtagani yo'q, yordam berishga harakat qilayapti. "Paxtakor"da to'liq o'ynab ketishi uchun bir oz vaqt kerak bo'ladi. U jamoaviy o'yinchi sifatida yaxshi taasurot qoldirayapti. U g'alaba golini urgani yoqimli holat", — deydi u.
Uchrashuvdan so'ng Boyan Matich jamoaga yaxshi moslashib borayotganini ham aytib o'tdi.
"Futbolchilar va murabbiylar shtabi, xodimlar meni ilk kundanoq iliq qarshi olishdi. Bu erda o'zimni xuddi uzoq vaqtdan beri o'ynayotgandek his qilmoqdaman", — deya qo'shimcha qiladi u.
Muallif xulosasi
SHaxsan menga Boyan Matich ikki uchrashuvda ham yomon ko'rinmadi. U maydonda ko'proq harakat qilyapti. Imkoniyatidan maksimal darajada foydalanuvchi, gol hidini sezuvchi futbolchi o'yinidan. InStat`ning malumotlari biroz u yakkukurashlarda, shuningdek, havoda to'p uchun kurashlarda yaxshi darajada emasligini ko'rsatmoqda. Ushbu ko'rsatkichlar kelasi uchrashuvlarda yaxshilanib boradimi, yo'qmi, kuzatib boraveramiz.
Bosh sahifaga
207