Musobaqada qo'shnilarimiz Qozog'iston terma jamoasi ham ishtirok etadi. Bir necha kun oldin Qozog'iston futbol federaciyasi terma jamoaning mundial uchun 16 o'yinchidan iborat yakuniy tarkibini elon qildi. Oldin JCHga 14 nafar futzalchini "zayavka" qilish mumkin edi. Bu safar esa 16 nafar o'yinchini "zayavka" qilish mumkin.
Qozog'iston terma jamoasining JCH-2021 uchun yakuniy tarkibi
Darvozabonlar: Igita, Narun Serikov (ikkisi - "Kayrat"), Rauan Atantaev ("Atirau");
O'yinchilar: Taynan ("El-Poso", Ispaniya), Duglas, Dauren Nurgojin, CHingiz Esenamanov, Albert Akbalikov, Birjan Orazov, Dauren Tursagulov (hammasi - "Kayrat"), Azat Valiullin ("Uxta", Rossiya), Arnold Knaub, Nurbek Karagulov (ikkisi - "Aktobe"), Bolat Sarbasov, Jomart Tokaev (ikkisi - "Atirau"), Turexan Dosov ("Bayterek"), Agedil Madiyarov ("Lipeck", Rossiya).
Ko'rib turganingizdek, qo'shnilarimiz bosh murabbiyi Rikardo Kaka oxirgi ro'yxatga 3 nafar asli braziliyalik bo'lgan mahalliylashtirilgan futzalchini kiritgan. Bular: Igita, Taynan va Duglas. Yana bir mahalliylashtirilgan braziliyalik Leo esa iyul oyi boshida o'ng oyog'idan operaciya qilingan va mundialni o'tkazib yuboradi.
Qozog'iston terma jamoasi JCH-2021ning "A" guruhida Litva, Kosta-Rika va Venesuelaga qarshi bahs olib boradi.
Eslatib o'tamiz, O'zbekiston terma jamoasining mundial uchun tarkibi hali elon qilinmadi.
Bosh sahifaga
109
