- O'yin haqida
- Ikki jamoa ham hujumkor va ochiq o'yin ko'rsatdi. Jamoamiz hujumlarni muvaffaqiyatli yakunlash borasida oqsayapti. "Sen urmasang, senga urishadi" degan naql o'z so'zini aytdi. Yaxshi tayyorgarlik ko'rgan edik, ammo diqqat-etiborni yo'qotib qo'yish orqali gol o'tkazib yubordik. O'yin esa teng kurashlar ostida kechdi.
- Uchrashuv 17:00 da boshlanishi qanchalik to'g'ri deb o'ylaysiz? Bu futbolchilarga qiyinchilik tug'dirmaydimi?
- To'g'ri, o'ziga yarasha qiyinchiliklari bo'ldi. 17:00 da futbol o'ynash juda ham qiyin. Ayniqsa, futbolchilarimiz birinchi bo'limda ancha qiynalishdi. Nega bu vaqtga belgilanganiga hayronman, 17:30 yoki 18:00 ga belgilansa ham bo'lardi. Issiq havo bahona bo'lmasligi kerak, o'zimizda ham kamchiliklar bor, xatolar ustida ishlaymiz.
- Birinchi davrada asosiy himoyachilardan biri bo'lib o'ynagan Ulug'bek Xudoyberdiev ikki uchrashuvdan beri maydonda ko'rinmayapti. Buning sababi nimada?
- Ulug'bek Xudoyberdievning jarohati bor edi. Hozirgi paytda mashg'ulotlarda astoydil mehnat qilyapti. Xudo xohlasa tez orada safga qaytadi.
- Keyingi o'yinlarda "Yangier" jamoasi asosiy tarkibida o'zgarish bo'ladimi?
- Albatta, bo'ladi. Yutgan tarkib almashtirilmaydi, degan fikrga qo'shilmayman. Keyingi bahslarda albatta, o'zgarishlar bo'lishi mumkin.
Bosh sahifaga
233