"Bir so'z bilan aytganda jamoam durangga munosib edi. Yigitlar bor kuchlarini sarflashdi. Vaziyatlar yaratishdi. Afsuski, penaltidan foydalana olganimiz yo'q. O'z hisobimizga bir ochko bo'lsa ham qo'shib olishni chin dildan istagandik. Futbolchilar berilgan rejani aniq bajarishdi va o'z ishlariga yaxshi yondoshishdi",- deydi Aleksandr Xomyakov.
- Ikkinchi bo'limda "Mashal"da ko'plab qulay imkoniyatlar yuzaga kelganiga qaramasdan foydalana olmadi. Bu omadsizlikmi yoki futbolchilardagi mahoratning kamligi?
- O'zingiz aytganingizdek vaziyatlar bizda ko'p bo'ldi, deya olaman. Faqatgina realizaciya etishmadi. Hujum chizig'i vakillari yomon o'ynashgani yo'q. Qaerdadir biz foydalanishimiz shart bo'lgan vaziyatlarni qo'ldan boy berdik. Ayrim holatlarda mahorat kamlik qilgan bo'lishi mumkin. "Nasaf" bilan bahsda "Paxtakor" darvoza to'sini goldan qutqargandi. Biz bilan ham shunday holat sodir bo'ldi. Ikkita uchrashuvda bir hil holatlar ro'y beryapti. Ko'p kuch sarfladik. Biroq kamlik qildi.
- "Nasaf" bosh murabbiyi Ro'ziqul Berdiev o'yindan so'ng "Paxtakor" mavsumdagi eng yomon o'yinini o'tkazganini aytgandi. Ular ham xuddi bugungidek ikkinchi bo'limda yaxshi harakat qilishgandi. Sizning bu boradagi fikringiz qanday?
- "Paxtakor" o'z uslubidan kelib chiqib bizga o'yin tizginini ushlashga qo'yib bermadi. Futbolchilarga raqib o'z o'yinini ko'rsatishiga yo'l qo'ymasligimizni aytgandim. Lekin hozir qaynab turgan miya bilan mazkur mavzuda gapirish qiyin.
- Jamoada penaltini amalga oshiradigan aniq bir futbolchi tanlab olinganmi?
- Bizda Humoyun Murtazoev bor edi. Bugungi o'yindagi vaziyatda penaltini kim tepishi borasida aniq tanlab olingan futbolchi yo'q edi, desam mubolag'a bo'lmaydi. SHahzod SHaymonov penaltilarni yaxshi tepadi. U amalga oshirishi ehtimoli mavjud edi. Lekin Samuel yigitlarga o'ziga ishoayotganligini aytgan. Natijada zarbani ushbu futbolchi yo'lladi. Bor gap shu.
43602199673991830 
Bosh sahifaga
196
22 Mart 2026, 13:15