Srechko Katanecning qachon O'zbekistonga kelishi malum bo'ldi

Xabaringiz bor, O'zbekiston futbol associaciyasi tomonidan mamlakat milliy terma jamoasiga yangi bosh murabbiy tayinlash bo'yicha bir qator ishlar olib borildi.

Jumladan, bir qator xorijiy va mahalliy murabbiylar nomzodi sinchikovlik bilan o'rganib chiqildi. Murabbiylar kengashi hamda mutaxassislarning tahlili va tavsiyasiga ko'ra yakunda O'zbekiston milliy terma jamoasi bosh murabbiyligiga sloveniyalik tajribali mutaxassis Srechko Katanec nomzodi maqul, deb topildi.

O'FA hozirga qadar sloveniyalik murabbiy bilan og'zaki kelishuvga erishdi va kelayotgan haftada, aniqrog'i 18 avgust kuni Srechko Katanec o'zaro muzokaralarning yakuniy bosqichini o'tkazish uchun yurtimizga tashrif buyurishi kutilmoqda.