- Pro-liga jamoasi bo'lsak-da, Superliga jamoasiga qarshi munosib o'ynashga harakat qildik. Futbolchilarimning potenciali bor. Raqibga muammolar tug'dirish qiyin bo'lmadi. Biroq so'nggi daqiqalarga kelib, futbolchilar charchab qolishdi. Zaxiradan tushganlar o'yinni kuchaytira olishmadi. SHu sababli biz vaziyatlar yaratishga qiynaldik, noto'g'ri paslarimiz ko'payib ketdi.
- Ushbu bahs orqali Superliga va Pro-liga o'rtasidagi farq qandayligi sezildimi?
- Farq juda katta. Ko'rgan bo'lsangiz, futbolchilar yakkakurashlarda qiynalmoqda va mag'lub bo'lmoqda. "Qizilqum" ushbu mavsum Superligada munosib ishtirok etmoqda. Legionerlarning sifati yomon emas. SHuning uchun futbolchilarning mahoratida farq sezilib qolmoqda. Maydonda ularga qarshilik ko'rsatish Pro-liga futbolchilariga oson emas.
- 2010 yili "SHo'rtan" aynan shu bosqichda "Qizilqum"ni musobaqadan chiqarib yuborgandi. O'sha "SHo'rtan"ni qaytarish mumkinmi?
- So'nggi 2 yilni "SHo'rtan" turli xil taqiqlar ostida o'tkazmoqda. Klubning moliyaviy holati sababli mashg'ulotlarda va boshqa jabhalarda qiyinchilikka uchrayapmiz. Hatto homiyimiz kimligini ham bilmaymiz. Rahbariyat hozirda bu borada ish olib bormoqda.
- Guruh bosqichidagi "Qizilqum" bilan hozirgi "Qizilqum" o'rtasida qanday farq bor?
- "Qizilqum"ning so'nggi o'yinlarini kuzatganimda jamoa futbolchilari to'pni o'zida yaxshi ushlab tura olishini ko'rdim. "Qo'qon-1912"ga qarshi o'yinni ko'rib chiqdim. Mashg'ulotlar davomida raqibdan to'pni olib qo'yish borasida ko'p ishladik. Ammo o'yinda buni uddalay olmadik. Futbolchilarning saviyasidagi farq kattaligi ko'rindi.
- "SHo'rtan"ning maqsadi qanday?
- Taqiq ostida biz ishladik. Barcha qarzlar to'landi. Endi biz yosh futbolchilarni tarbiyalashga va yaxshi jamoa tuzishga harakat qilamiz.
43602199673991830 
Bosh sahifaga
245
29 Mart 2026, 12:05