O'yin haqida
Anchadan beri bunday ajoyib muhitda futbol o'ynamagan edik. O'yin ajoyib bo'ldi, har ikki jamoa keyingi bosqichga chiqish uchun kurashdi. Bugun ko'proq himoyalandik, 2-raqamda o'ynadik. CHunki "Navbahor" jamoasi o'z uyida ko'proq hujum uyushtirishini bilardik. Qarshi hujumda o'ynashni maqsad qilgandik. Har ikki golni shunday vaziyatlardan, raqibning xatosidan keyin urdik. Mezbonlar pozicion hujumlarga urg'u bergani bilan ularda golli vaziyatlar deyarli sodir bo'lmadi. Faqat standart vaziyatni "Navbahor" futbolchisi ajoyib tarzda bajarganini tan olish kerak. Umuman olganda, o'yin kurashlarga boy bo'ldi. G'alabaning asosiy omili maydonda kurashgan yigitlarimizning mehnatidir.
— Jamoa Superligada mavsumni yaxshi yakunlandi, kubokda ham ishtirok davom etmoqda. Jamoa OCHLda ishtirok etish uchun licenziyalash bilan bog'liq muammoni hal qilmoqdami?
Bu savolga har o'yindan keyin uyushtirilayotgan matbuot anjumanlarida javob berishga majbur bo'lyapman. Jamoa qaytadan topshirishga harakat qilyapti.
— Kubok g'olibligi qo'lga kiritilsa, jamoa qanday rag'batlantiriladi? Malibu haqidagi gap-so'zlar haqiqatmi?
Bu haqda kecha OAV orqali o'qidingiz. Bunday xabarlarga ishonmayman. Hozircha kubokni qo'lga kiritishimiz uchun hech qanday qo'shimcha mukofot vada qilingani yo'q.
— Asosiy vaqtning oxirida hisob tenglashganidan keyin penaltilar seriyasi haqida o'ylagandingizmi?
Bunga ham tayyor edik. SHuning uchun penaltini muvaffaqiyatli amalga oshiradigan o'yinchilarni charchab qolishiga qaramay, maydonda ushlab turdik.
Bosh sahifaga
490