Foto  UEFA o'tgan mavsumning eng yaxshi murabbiyi bo'lish uchun nomzodlarni elon qildi

Davogarlarning ikki nafari klubni, bir nafari terma jamoani boshqaradi:

Xosep Gvardiola ("Manchester Siti") — klub tarixida ilk marta "Siti"ni CHempionlar Ligasi finaliga olib chiqdi va Angliya chempionatining yuqori cho'qqisiga qaytdi. Undan tashqari, jamoa Angliya Liga Kubogini qo'lga kiritdi.

Roberto Manchini (Italiya terma jamoasi) — 2018 yilgi jahon chempionatining final bosqichiga chiqolmagan Italiya terma jamoasini EVRO-2020 g'olibiga aylantirdi. Qolaversa, italiyaliklar ketma-ket 34 mag'lubiyatsiz uchrashuv o'tkazdi.

Tomas Tuxel ("CHelsi") — 26 yanvarda Frenk Lempard o'rniga "CHelsi"ning shov-shuvli parvozini uyushtirdi va yakunda londonliklarni CHempionlar Ligasidagi ikkinchi g'alabasi tomon etakladi. Tuxel turli jamoalar bilan ketma-ket ikki marta turnir finaliga chiqqan tarixdagi dastlabki murabbiy bo'ldi.

Eslatib o'tamiz, eng yaxshi murabbiy 26 avgust kuni Turkiyaning Istanbul shahrida bo'ladigan 2021/22 yilgi mavsum qura tashlash marosimida aniqlanadi.