O'yin haqida
- Avvalombor "Nasaf"ni g'alaba bilan tabriklayman, yaxshi jamoa. Birinchi bo'limda bir to'p farqi bilan yutgandik. Ikkinchi bo'limda qo'pol xatolar qildik va gollar o'tkazib yubordik. Harakat qilish kerak, mehnat qilish kerak. 3 ta golni o'zimizni xatolarimiz evaziga o'tkazib yubordik. Muxlislardan sabr qilishlarini so'rab qolardim, hozir bizda bir oz natijalar yaxshi emas. Ishonaman jamoamiz yaxshi bo'ladi. Birinchi davradan so'ng tarkibimizda yosh futbolchilar bor, ular moslashib ketgunicha bir oz vaqt kerak.
Hozir biz legionerlarsiz o'ynayapmiz, bu mahalliy futbolchilarga imkoniyat. Bu futbol, kimdir yutadi, kimdir yutqazadi. Jamoada shunaqa qiyin vaziyatlar ham bo'ladi.
- Birinchi bo'limda jamoangiz yaxshi o'ynadi. Ikkinchi bo'limda aksi bo'ldi, buni qanday izohlaysiz?
- Bizda yoshi katta futbolchilar bor, 35-38 yosh oralig'ida tajribali futbolchilar. Ular charchab qolishgan bo'lishi mumkin. Yoki jamoamiz g'alabaga ishonib qoldi. Futbolda har-xil vaziyatlar bo'ladi. Ikkinchi taymda mezbonlardan tez futbolchilar o'yinga qo'shildi. Zaxiramizda yosh futbolchilar o'tiribdi. Harakat qilish kerak, xatolar ustida ishlashimiz zarur. Hali hammasi yaxshi bo'ladi.
- Yozgi transferlardan qoniqish hosil qildingizmi?
- Transferlardan qoniqish hosil qilish bo'yicha aytish qiyin. Klubni byudjeti bor, hozir akademiya ustida jiddiy ishlayapmiz. Kim o'zi hohlasa jamoada o'ynashni, uni tarbiyalaymiz. Jamoada har bir chiziqda raqobat bo'lishi kerak, biz shuni ustida ishlayapmiz. Bitta o'yin yaxshi bo'lsa, keyingisi o'xshamasligi mumkin, bu futbol.
- Tavakkal qilib yoshlarga imkoniyat berilsa bo'ladimi?
- Tarkibimizda yoshlar bor, lekin ular 17-18 yosh atrofida, hali tajribasi etarli emas. Bu darajadagi futbolga ular tayyor emas. Ular hali Superligada o'ynamadi. Tarkibimizda yoshlar o'ynayapti, ularga ham vaqt kerak.
2184825685739827 
Bosh sahifaga
364
31 Mart 2026, 08:17