"Ko'rganingizdek qiziqarli o'yin bo'ldi. Afsuski uchrashuv muxlislarsiz o'tkazildi. Yigitlar maydonda borlarini berishdi. To'g'ri biroz tajriba etishmayapti. Boisi ular hali yosh. Futbolchilarga kuchli xohish va ishtiyoq uchun rahmat aytaman. Muxlislardan, homiylardan bizni qo'llab-quvvatlashlarini so'rab qolardim. "Buxoro" kuchli jamoa bo'lishiga qaramasdan jamoam bo'sh kelgani yo'q. Gol o'tkazib yuborishimiz yoki o'yin so'nggida g'alaba to'pini kiritishimiz ham mumkin edi. Qulay vaziyatlardan foydalana olmaganimiz mahorat etishmagani bilan bog'liq, deb o'ylayman. Durang adolatli natija.
Jamoadagi o'zgarishlardan qay darajada ko'nglim to'ldi? Og'riqli savol. Biz ham yaxshi jamoa tuzishni istaymiz. Bir yoki ikki yilda superklub tuzish qiyin. Biz ko'proq yosh futbolchilarga etibor qaratishni lozim, deb topdik. Moliyaviy holatimiz yaxshi bo'lganda yuqori saviyali futbolchilarni taklif qila olardik. Men yomon ayni paytdagi holatimizni yomon demayman. Lekin kuchli futbolchilarni jalb qilishga bu kamlik qiladi. Bo'lg'usida hammasi yaxshi bo'ladi, deb o'ylayman. Men o'zim xorazmlikman. Qonimda Xorazm qoni oqmoqda. SHu bois klubni yuqori o'rinlarga olib chiqishni istayman.
Har bir o'yinda optimal tarkibda o'ynay olmayapmiz. Maydon suniy bo'lgani uchun jarohatlar ko'paymoqda. Oldinga intilishda davom etamiz",- deydi Aleksandr Ejov.
Bosh sahifaga
80
