Foto  “Qo'qon shahar xokimi kubogi” uchun o'tkazilgan turnir yakunlandi

Qo'qondagi stadionlarda musobqaning final o'yinlari bo'lib o'tdi. O'tkazilgan o'yinlardan so'ng musobaqada g'oliblar aniqlandi. 

2007-2008  o'rtasida bo'lib o'tgan musobaqada “Ahmadxon” futbol klubi g'olib bo'ldi. 

2009 yillar musobaqasida esa g'oliblik  “Andijon” futbol akademiyasi tarbiyalanuvchilariga nasib qildi. 

2010 yillarda tug'ilgan futbolchilar o'rtasida esa Toshkentning “Paxtakor” klubi tarbiyalanuvchilari tengsiz bo'lishdi. 

2011-2012 yillarda tug'ilgan bolalar o'rtasidagi musobaqa festival shaklida bo'lib o'tdi va unda ishtirok etgan barcha jamoalar taqdirlanishdi. 

Bugun  Qo'qondagi “Ahmadxon sport majmuasi”da musobaqaning tantanali yopilish marosimi bo'lib o'tdi. Marosimda Qo'qon shahar xokimi Marufjon Usmonov, Farg'ona viloyat futbol assosaciyasining birinchi vice-preziednti Nosirbek Otaqo'ziev, “Qo'qon-1912” futbol klubi prezidenti Baxtiyorjon Tolipov , O'FAning bolalar futboli bo'yicha  mutaxassisi Grigoriy Ayrapetyan  hamda “Qo'qon-1912” jamoasining murabbiy hamda futbolchilari ishtirok etishdi.

Marosimda so'z olgan Qo'qon shahar xokimi Marufjon Usmonov yig'ilganlarni  yaqinlashib kelayotgan mustaqilligimizning 30 yillik bayrami bilan qizg'in tabriklab, barcha musobaqa ishtirokchilariga samimiy minnatdorchilik izhor qildi.  

-Bunday turnirlar orqali yoshlarimiz tobora chiniqib katta halqaro musobaqalarga tayyorlanib boradilar. Muhtaram yurtboshimizning sportga , xususan futbol bo'lgan etiborlari tufayli yurtimizda futbol o'yini tobora ommalashib bormoqda. Bu musobaqada ishtirok etgan bolajonlarimiz orasidan kelgusida “Qo'qon-1912” jamoamiz sharafini, shuningdek O'zbekiston terma  jamoalari sharafini munosib himoya qiladigan futbolchilar etishib chiqishiga umid qilaman va ishonaman – dedi jumladan M Usmonov. 

SHundan so'ng turnir ishtirokchilarini taqdirlash marosimi bo'lib o'tdi. G'olib va sovrindorlarga mukofotlarni shahar xokimi  Marufjon Usmonov, Baxtiyorjon Tolipov , Nosir Otaqo'ziev , Grigoriy Ayrapetyan hamda “Qo'qon-1912” jamoasining taniqli futbolchilari topshirishdi. Turnirda ishtirok etgan deyarli barcha jamoalar turli esdalik va qimmatbaho sovg'alar bilan mukofotlandilar. SHu o'rinda tashkilotchilar tomonidan musobaqaning o'tkazish davomida o'zlarining beg'araz yordamlarini ko'rsatgan “Imkon” savdo belgisi, “Osiyo kolbasalari” korxonasi hamda “Turon  cement” kompaniyalariga minnatdorchilik bildiramiz . Bu turnirda ishtirok etgan barcha bolajonlar Qo'qondan bir olam taassurotlar bilan uylariga qaytishdi.