Raqib jamoaning Qarshiga etib kelgan tarkibiga nazar tashlar ekanmiz, o'zbekistonlik muxlislar uchun begona bo'lmagan bir qator nomlar ham borligini ko'rishimiz mumkin. Demak quyida shu haqida gap boradi.
Arslanmirat Amanov
Qolgan jamoadoshlariga nisbatan mahalliy ishqibozlarimizga juda yaxshi tanish bo'lgan futbolchi Arslanmirat Amanov hisoblanadi. 2017 yilda AGMKdagi faoliyati orqali Superligamizda debyut qilgan universal yarim himoyachi keyingi mavsumlarda "Buxoro", "Lokomotiv" jamoalari sharafini himoya qildi. 2020 yilning boshida ikki yillik tanaffusdan so'ng yana AGMKga qaytdi. Joriy yildan boshlab "So'g'diyona"da to'p tepayotgan turkmanistonlik futbolchi yozgi transferlar oynasi vaqtida oilaviy sabablarga ko'ra "Ahal"ga o'tishga qaror qildi. Aytish kerakki u yurtimizdagi faoliyati davomida o'zidan ijobiy taassurot qoldira olgan kam sonlik legionerlardan biri desak mubolag'a bo'lmaydi. Bizga etib kelgan malumotlarga ko'ra Amanov "Ahal" bilan birga Qarshiga kelmagan. Demak ertangi bahsda uni maydonda ko'rmasligimiz ehtimoli katta.
O'zbekistonda to'p tepgan klublari: AGMK, "Lokomotiv", "Buxoro", "So'g'diyona"
Umumiy statistiksi: 102ta uchrashuv, 15ta gol, 10ta assist, 10ta sariq kartochk, 1ta qizil, O'zbekiston kubogida 7ta o'yin, 1ta gol, 2ta assist, OCHLda 6ta o'yin 4ta assist
Didar Durdiev
Turkmanistonlik yarim himoyachi Didar Durdiev o'tgan mavsumda qishki yig'inlar chog'ida “Navbahor”da ham ko'rikda bo'lib, transferlar oynasining oxirgi kunlarida esa “Mashal”ga kelib qo'shilgandi. O'zini ko'rsata olmadi shekilli zaxira futbolchisiga aylandi qoldi. Natijada yozgi keldi ketdilar mavsumida Durdiev ham jamoadan ketdi.
Statistikasi: 5 o'yin 129 daqiqa
Elman Tagaev
Ushbu futbolchi ilk bor 2016 yilning ikkinchi davrasida chempionatimizda ko'rinish bergandi. O'shanda Superligada qolish uchun kurashayotgan "Andijon" jamoasi tarkibni kuchaytirish maqsadida Elman Tagaevni taklif qilgandi. Umuman olganda o'zidan yomon xulosa qoldirmagan, deyishimiz mumkin. Mavsum yakunida "burgutlar" elita bilan xayrlashgach u ham jamoani tark etadi. Elman Tagaev oradan ikki mavsum o'tib endi "Navbahor" safida paydo bo'ldi. Osiyolik futbolchilar limitini to'ldirish uchun taklif qilingan yarim himoyachi afsuski ko'p o'yinlarni zaxirada o'tkazdi.
U intervyularining birida shunday degandi: " Namangandagi faoliyatimning qisqa kechishiga o'ziga yarasha sabablar bor, lekin buni batafsil izohlamoqchi emasman. SHunday bo'lishi kerak ekan, bo'ldi. Boshqa izohga hojat yo'q, menimcha".
Statistikasi: "Andijon"da 12ta, "Navbahor"da 3ta o'yin
Abdi Bashimov
Mazkur futbolchini ham o'zbek futboli ommasi unutganiga ko'p bo'lgani yo'q. 2020 yilning birinchi davrasida "Qizilqum"da to'p tepgan futbolchi 7ta o'yinda ishtirok etgandi. Esingizda bo'lsa o'shanda navoyiliklar tarkibida Abdi Bashimov bilan bir qatorda Vazirgeldi Yilasov ham o'ynagan edi.
Abdulaziz Iskandarov
Bosh sahifaga
84
