"Bugungi o'yin qiyin bo'lishini taxmin qilgandik. SHunga yarasha uchrashuvga astoydil tayyorgarlik ko'rdik. "Neftchi" futbolchilari juda bo'ydor va ular maydonda bizga qiyinchilik tug'dirishdi. Yigitlar 60-70 daqiqalargacha raqibga imkoniyat bermaslikka harakat qilishdi. Bundan tashqari hujumga berilib ketganimiz oqibatida o'z xatolarimiz evaziga gollar o'tkazib yubordik. Bu esa o'z navbatida hisobni yiriklashib ketishiga olib keldi.
Yigitlarimiz yosh va o'yinlarga ruhan tayyorgarligi etarli emas. Bugungi o'yinda ular tajribali futbolchilarga qarshi o'ynashdi. Hech bir o'yin oson o'tayotgani yo'q, zaxiradan o'yinga qo'shilgan futbolchilar ham har doim o'yinni kuchaytira olmaydi.
"Qizilqum"ga qarshi o'yinda ham jamoamiz yomon harakat qilmagandi. Zaxiramiz kuchli emasligi ham o'z tasirini ko'rsatmasdan qolmaydi. Yigitlar o'yindan-o'yinga shakllanib borishadi".
— Bir muddat avval sizning xizmatlaringizga "Turon" rahbariyati qiziqish bildirayotgani to'g'risida mish-mishlar tarqalgandi. Bu gap-so'zlar haqiqatga qanchalik yaqin?
— Ha, rost. Yaypan klubi rahbariyati bilan bu borada gaplashganmiz. Lekin "SHo'rtan"ni qiyin vaziyatda tashlab ketish yaxshi bo'lmasdi. Bundan tashqari "PRO" licenziyasiga o'qiyotgandim, hammasi bir vaqtga to'g'ri kelib qoldi.
— "SHo'rtan"ning moliyaviy holati yaxshi emas. Superligadan taklif bo'lganini o'zingiz tan oldingiz. Ayting-chi, sizni G'uzorda aynan nima ishlab turibdi?
— Birinchidan, futbolga bo'lgan munosabat. Hamma oson yo'lni tanlab ketaversa, bu futbolchilarni kim tayyorlaydi? Qo'l ostimdagi yigitlar orasida iqtidorlilari ko'p, ular o'z ustida ishlashdan to'xtamasligi kerak. SHuningdek, o'zim qashqadaryolik bo'lganim uchun ham "SHo'rtan"da ish boshlagandim. Qancha qiyin bo'lmasin, yilni G'uzor klubida yakunlab qo'ymoqchiman.
"Neftchi"ning asosiy maqsadi nima? Mo'minjonov javob berdi
2206126023739828 
Bosh sahifaga
344
6 Aprel 2026, 11:01