- O'yin haqida
- Hammasi rejalashtirilganidek, yaxshi davom etayotgandi. Qarshi hujumlarga turib bera oldik, standartlarga ega bo'ldik, ammo 2-goldan keyin negadir pala-partish o'yin ko'rsata boshladik. Futbolni taktik tarafdan to'g'ri va murabbiy aytganidek o'ynash kerak. Hamma o'z bilganicha o'ynasa, natija har doim shunday bo'ladi.
- Mag'lubiyatga asosiy aybdor kim bo'ldi?
- Kimnidir asosiy aybdor deyolmayman. Butun jamoa yutqazdi. Hammamiz aybdormiz.
- 4 ta gol o'tkazib yuborish alamli. Bunday mag'lubiyatni hech kim kutmagandi...
- Biz ham kutmagandik. Birinchi taymda qulay vaziyatlarni qo'ldan boy berdik. Ikkinchi goldan keyin hammasi o'zgarib ketdi. Ruhiy tomondan dosh berolmadik.
Ikkita o'yinni yutib olsak, barchasi yaxshi tomonga o'zgaradi. To'xtab qolmaymiz, hali oldinda ko'p o'yinlar bor.
- "Mashal" bilan mehmondagi o'yinda g'alaba qozona olasizlarmi? Bunga shaxsan ishonasizmi?
- Bunga doimo ishonaman. Asosiysi, futbolchilar o'z kuchlariga ishonishlari. Buni ustida ishlayapmiz, ammo hozircha amalda o'xshamayapti.
- Jamoaga nima etishmayapti?
- O'yin sifati etishmayapti. Hamma kurashlarda yutqazyapmiz. Hatto 2 ga 1 holatda mag'lub bo'lyapmiz. SHu tarafdan qiyin bo'lmoqda.
Bosh sahifaga
193
