Saytimiz azolari va o'quvchilari nomidan iqtidorli posbonni tabriklash asnosida u bilan kichik intervyu tashkil etdik.
- G'ayrat aka, avvalo tavallud kuningiz bilan Championat.asia ijodiy jamoasi va o'quvchilari nomidan tabriklaymiz. Aytingchi, qachondan professional futboldagi faoliyatingizni boshlagansiz?
- Professional futbolda ilk bor 2003 yilda "Xorazm" safida "Paxtakor-2" jamoasiga qarshi o'yinda maydonga tushganman. Yodimda bor, o'sha o'yinda 1:2 hisobida yutqazganmiz, men zaxiradan maydonga tushirilgandim. Aynan shu yildan katta futbolga kirib kelganman. Jamoa murabbiylari o'sha vaqtda Ro'zmat Quryazov va Vali Sultonov edi.
- O'zi umuman futbolga kirib kelishingiz qanday bo'lgan?
- Futbolga bolalikdan mehrim yuqori bo'lgan. Dastlab do'stlarimga qiziqib borganman, keyinchalik kelajagim aynan ushbu sport turida ekanligini his qilganman. Rahmatli Odamboy Qurbaniyazov birinchi murabbiyim bo'lganlar. U kishi o'zbek futboliga juda ko'plab iqtidorli futbolchilarni etkazib berganlar.
Aytib o'tganimdek, 2003 yildan buyon "Xorazm" jamoasida o'ynab kelayapman. Orada jamoa Oliy ligada ham ishtirok etdi. Nasib bo'lsa "Xorazm" Superligada ham qatnashishiga umid qilamiz.
Bekzod Tolibov suhbatlashdi
Bosh sahifaga
283