Iqtidorli kiper OFK kubogi Markaziy Osiyo mintaqasi finali doirasidagi "Ahal" bilan o'yinni ham o'tkazib yuborishiga to'g'ri keldi. Mazkur bahsni maydon tashqarisida kuzatgan darvozabon saytimiz muxbiri bilan suhbatda bir qator savollarga javob berib o'tdi.
Jarohat va qachon maydonga qaytishi haqida
- "Metallurg" bilan kubok bahsida tizzamdan jarohat oldim. Hozircha nima bo'lgani aniq emas. Xudo xohlasa yaqin orada tashxis qo'yiladi. Yaxshi javob chiqsa, chamasi 2 oylarda mashg'ulotlarga qaytsam kerak. Jarohat futbolning bir qismi.
“Ahal” bilan o'yin...
- Stadiondan kuzatdim. Juda yaxshi o'yin bo'ldi. Birinchi bo'limda ikkita gol urib hisobda oldinga chiqib oldik. Ikkinchi bo'limda “Ahal” o'zi yaratgan vaziyatlarni golga aylantirdi. Murabbiymiz Ro'ziqul Berdiev kerakli o'zgarishlarni amalga oshira oldilar. Yakunda g'alaba biz tomonda bo'ldi. Umuman olganda raqibning o'yini va taktikasi meni ajablantirgani yo'q. Bu – futbol. Biz har bir raqibni hurmat qilamiz. Keyingi bosqich yo'llanmasi bitta o'yindan iborat edi. Bunday masuliyatli o'yinlarga barcha bor kuchini sarflaydi. Natija ustuvor bo'ladi.
Srechko Katanec bilan bo'lgan suhbat
- Ha, to'g'ri. Srechko Katanec kelib dastlab hol ahvol so'radi. Bunday jarohatni boshidan o'tkazganini va hammasi yaxshi bo'lishini aytdi.
O'zbekiston milliy terma jamoasida endilikda yangi davr boshlanishi kutilmoqda. Bunda qisman bo'lsada avlodlar almashinuvi ham ro'y berishini kutish mumkin. Bu borada uning fikri qanday bo'ldi?
- Avlodlar almashinuvi har bir klub yoki terma jamoada bo'ladigan tabbiy jarayon, deb bilaman. Yosh va kuchli futbolchilar etishib chiqmoqda. Menimcha bunga oddiy qarash kerak.
Abdulaziz Iskandarov suhbatlashdi
Bosh sahifaga
141
