Video  Mikael Sekeyra O'zbekiston termasini boshqargan bo'larmidi?

- CHiroyli o'yin bo'ldi, ikki tomon ham ikkinchi bo'limda yaxshi o'yin ko'rsatdi. "Turon" tarkibida yuqori saviyali futbolchilar bor. Garchi ular past pog'onani egallab turgan bo'lsa-da, yuqoriga ko'tarilishi uchun imkoniyatlar etarlicha. Futbolchilarimdan minnatdorman. Ular raqibni hurmat qilgan holda maydonda jang olib borishdi. "Lokomotiv"ni 3 ochko bilan tabriklayman.

- So'nggi daqiqalarda gol o'tkazib yuborish ananasidan qutulganingiz bilan tabriklayman. Ikkinchi bo'lim boshida Jumaboev va Amonovning maydonga tushgani ko'p narsalarni o'zgartirib yubordi.
- Bu rejamizda bor edi. O'yinning dinamikasini sezgan holda biz bunga tayyor turgandik. SHu boisdan ularni tezda zaxiradan maydonga tushirdik. O'zgarishdan keyin biz doimiy ko'rsatgan o'yinimizni ko'rsata oldik.

- Birinchi bo'limda ikki jamoa sekin o'ynadi. Ikkinchisida esa ikki tomon ham tez o'ynadi.
- O'yinning dinamikasiga o'zgartirish kiritdik, shuningdek, futbolchilarning joylashuvi ham o'zgardi. Biz ikki futbolchi oldinda, markazda esa 4 futbolchini o'ynatishga harakat qildik. SHu orqali biz ularga blok qo'yishga muvaffaq bo'ldik. Aynan shu natija olib keldi. Ikkinchi bo'limga tushishdan oldin taktikalarni ham o'zgartirdik. Futbolchilar ham bu g'oyalarga ishondi.

- Srechko Katanecning o'yinga kelgani qo'shimcha kuch beradimi?
- "Lokomotiv" tarkibida yaxshi futbolchilar ko'p. Bu barcha futbolchilar uchun signal. Demak, biz mavsumni yaxshi o'tkazyapmiz. Tarkibimizdagi ko'plab futbolchilar termaga loyiq. Kim o'ynasa ham O'zbekiston termasiga omad tilayman. Terma chiroyli o'yinlar ko'rsatib, JCHga chiqishini tilab qolaman. O'zbekistonda futbolchilar juda ko'p. Ularni taktik tomonlama tarbiyalash kerak.

- Srechko Katanecning variantiga qadar ko'plab kommentlarda muxlislar Mikael Sekeyrani terma bosh murabbiyi qilish taklifi bilan chiqdi. Kelajakda O'zbekiston milliy termasidan taklif tushsa, qabul qilasizmi?
- O'ylab ko'rsa bo'ladi. Bunday imkoniyat bo'lishi kerak. Men bu erga "Lokomotiv" uchun kelganman. Barcha fikrim shu klubda.