Video  Aleksandr Ejov: "O'zimizning xatolarimiz evaziga mag'lub bo'ldik"

"Fikrimcha yomon o'ynaganimiz yo'q. O'zimizning xatolarimiz evaziga mag'lubiyatga uchradik. "Neftchi" futbolchilarining mahorati yuqori ekanligi sezildi. Ularning bizga qaraganda kuchli ekanligini barcha bilardi. G'alaba bilan raqibl jamoani tabriklayman. Ikki jamoaning darajasidagi farq ham bilindi. Nima ham qilardik, ishlashda davom etamiz

Yigitlar qo'ldan kelgancha harakat qilishdi. Ayni paytda futbolchilarning darajasini solishtirib bo'lmaydi. Lekin hozir kim yaxshi o'ynadi yoki yomon o'ynadi ajratmoqchi emasman. Nafaqat futbolda, hayotda ham qiyin vaziyatlar bo'lib turadi. Mana shu holatdan chiqib ketishga harakat qilmoqdamiz. Biz sekin asta bosqichma-bosqich ko'tarilmoqdamiz.

Jamoamizda legionerlar yo'q. Futbolchilarning barchasi mahalliy yoshlar. Ular endigina 18, 19ga kirgan. Sekin-asta tajriba to'plab borishadi. Hammasi birdaniga bo'lmaydi. Vaqt kerak. Biz bilan yana bir necha nafar yoshlar mashg'ulot o'tkazmoqda. Bunday o'yinlarga ruhiy tayyorgarlik ham muhim. Oldinda yana o'yinlarimiz bor, raqiblar oddiy emas. Yutsa jamoa yutadi, yutqazsa murabbiy yutqazadi. Men bir yilda hamma narsani qilib qo'ya olmayman",- deydi Ejov.