So'nggi uchrashuvlarda ijobiy natijalar qayd etayotgan "qaldirg'ochlar" ushbu uchrashuvga puxta tayyorgarlik ko'rmoqda. Ayni paytda turnir jadvalida jamoalarning ochkolari o'rtasida katta farq yo'qligini hisobga olsak, "Bunyodkor"da kuchli uchlikka kirish imkoniyati mavjud. Biz mazkur bahs oldidan jamoaning etakchisi Nurillo To'xtasinovning fikrlari bilan qiziqdik.
"Qo'qon-1912" bilan o'yinga juda yaxshi tayyorgarlik ko'rmoqdamiz. So'nggi turlarda g'alaba qozonib qaysidir manoda o'zimizga bo'lgan ishonchni orttirib oldik. Xudo xohlasa tanaffusdan keyin ham chiroyli o'yin va barqaror natijalarni davom ettirishni istaymiz. Uchrashuvlarni g'alaba bilan boshlash niyatidamiz.
Bu yil kam gol uryapman? Oldinda o'yinlar bor. Muhimi jamoamga foydam tegsa bo'lgani. Golni kim urishi muhim emas. Uch ochkoni qo'lga kiritsak, bas. Raqibimiz safardagi bellashuvlarda yaxshi to'p tepmoqda. SHunga qaramasdan muxlislarimizni xursand qilish uchun maydonga chiqamiz. Bizni faqat yutuq qoniqtiradi",- deydi Nurillo To'xtasinov.
Bosh sahifaga
64
