"Paxtakor"ni bu yilgi mavsumdagi haqli chempionligi bilan tabriklayman. Ular mavsum davomida boshqa jamoalardan kuchli ekanligini o'z o'yinlari bilan isbotlashdi. CHempionlikni katta mehnat evaziga va haqqoniy tarzda qo'lga kiritdi. O'yin haqida to'xtaladigan bo'lsam, "Paxtakor"ga qarshi bunday vaziyatlar yarata turib foydalana olmaslik, o'z darvozamiz oldidagi xatolar pand berdi. Raqib bunday xatolarni kechirmaydi. Vaziyatlardan to'g'ri foydalanish va himoyada xato qilmaslikni o'yindan oldin ham aytib o'tgan edim. Ming afsuski, himoyada xato qildik va vaziyatlardan foydalana olmadik. Bunday vaziyatlardan foydalana olmaslik va xatolar bilan "Paxtakor"ni yutib bo'lmaydi", – deydi Bahtiyor Ashurmatov.
- Takidlaganingizdek, ikkita golni ham himoyachilar o'ziga o'zi olib keldi. Filip Raevac, Quvondiq Ro'ziev, Muhammadanas Hasanovda yaqqol golli vaziyatlar bo'ldi...
- Vaziyatlar yaratishda ustunlik qilgan bo'lsak-da, raqib 2-1 hisobida g'alaba qozongani – bu futbolchilarning kvalifikaciyasi yuqoriligi bilan bog'liq. Ular yarimta vaziyatdan foydalanib, gol urishyapti. Bizda esa teskarisi kuzatildi. Futbolchilar shoshib qoldi. Balki himoyada xatoga yo'l qo'yishimiz sababi futbolchilar xayolida "Paxtakor" kuchli jamoa", degan narsa saqlanib qolinganidir. Aniq sababini bilmayman. Fakt shuki, vaziyatlardan foydalana olmadik.
- Jamoani oldinda "Lokomotiv" bilan o'yin va ikkita vodiy derbisi kutmoqda. Bu o'yinlarga tayyorgarlik jarayonida nimalarga etibor qaratmoqchisiz?
- O'yindan oldin yigitlarga ham aytib o'tgan edim, chempionat biz uchun endi boshlanayotgandek. Futbolchilar butun mavsumda qilgan mehnatlarini qadriga etishadi deb o'ylayman. Qo'qon tarixida bunday natija qayd etilmagan. Kuchli tayyorgarlik evaziga oldindagi o'yinlarda g'alaba qozonishimiz mumkin. "Lokomotiv" bilan ham qiyin o'yin bo'ladi. Boisi, bu jamoa oxirgi paytlarda yaxshi o'yin ko'rsatmoqda.
- Jamoa mag'lub bo'lgan yoki durang o'ynagan o'yinlarda kech uyg'onmoqda...
- Bizda bunday o'yinlar ko'p bo'lyapti. 0-1 hisobida ortda borayotib, yakunda gol urgan paytlarimiz bo'ldi. "Buxoro" bilan bahsda oldinda borayotib ,oxirgi soniyalarda gol o'tkazib yubordik. "Qizilqum" bilan bellashuvda 1-0 hisobida oldinda borayotib, o'z darvozamizdan 2 ta to'p olib chiqdik. Bugun yigitlarga etiroz bildira olmayman. CHunki ular oxirigacha kurashishdi. Hech bo'lmasa durang natija qo'lga kiritishimiz kerak edi. Yigitlar har bir o'yinda boshidan oxirigacha kurashishmoqda.
Bosh sahifaga
229