Unda Bahodir Ahmedov boshchiligidagi O'zbekiston futzal terma jamoasi ham ishtirok etadi. Jahon chempionati starti oldidan futzalchilarimiz Litvaga qarshi so'nggi o'rtoqlik uchrashuvida maydonga tushdi. Mazkur bellashuvdan so'ng terma jamoamiz darvozaboni Ravshan Eliboev o'z fikrlari bilan o'rtoqlashdi.
“Bu o'yin jaxon chempionatidan oldingi oxirgi o'rtoqlik uchrashuvi edi”, - deya so'z boshladi Eliboev. SHunga qaramay, biz ushbu uchrashuvda har xil taktikalarimizni sinovdan o'tkazdik. Bu o'yinda hisob biz uchun muhim emas edi. Raqibimiz Litva esa o'yinga juda yaxshi tayyorgarlik ko'rgani sezildi".
Litva terma jamoasi haqida
“Bu Ispaniya yoki Argentina darajisidagi terma jamoa emas. Biz shu darajadagi terma jamoalar bilan qay tariqa o'yin namoyish etishni sinovdan o'tkazib oldik. Kamchiliklarimiz va yutuq tomonlarimizni aniqlab oldik.
Terma jamoaning tayyorgarligi xususida
“O'zbekiston futzal terma jamoasi Jahon chempionatiga 200 foiz tayyor deb o'ylayman. Nasib qilsa, buni biz musobaqa davomida o'z o'yinimiz bilan isbotlashga bor kuchimiz bilan harakat qilamiz. Guruhdagi barcha raqiblarimizni qura tashlanganidan buyon o'rganishda davom etmoqdamiz. Bu turnirda birorta kuchsiz terma jamoa yo'q.
Guruhdoshlarimiz Rossiya, Gvatemala va Misr terma jamoalarining har biri kuchli va o'z o'yin uslubiga ega", - deydi Ravshan Eliboev.
Bosh sahifaga
224
19 Aprel 2026, 09:01