4 sentyabr kuni Indoneziyada yangi mavsum uchrashuvlari start oldi. Unda Guseynov jamoasi “Persebaya” ustidan ishonchli tarzda g'alaba qozondi, - 3:1. Mazkur o'yin va chempionatdagi maqsadlari yuzasidan Javlon bilan suhbatlashdik.
“Mavsumning dastlabki o'yinidagi g'alaba borasida nimalarni ayta olasiz?
- Bir yarim yil kutilgan o'yin bo'lganligi tufayli, boshqacha kayfiyatda maydonga tushdik (kuladi). To'g'risi, pandemiya sababli Indoneziyada futbol to'xtab qolgan edi. O'yin boshida biroz qiyin bo'ldi. Rasmiy o'yinlarda maydonga tushmaganimiz o'z tasirini ko'rsatdi. Tezkor gol urib olganimiz ishimizni biroz bo'lsa-da, engilashtirdi.
- Indoneziya futbolida legionerlarga tayaniladimi yoki mahalliy o'yinchilargami?
- O'yin jihatidan olib qaralsa, legionerlar hisobiga tayaniladi. Klublar yaxshi saviyadagi xorijlik futbolchilarni jalb qilishgan. Mahalliy o'yinchilar tezkorligi ajralib turadi. Faqatgina, tajriba etishmasligi ko'zga tashlanib qolinadi.
- “Borneo”ning bu mavsumdagi rejalari nimalardan iborat?
- O'tgan yillarga qaraganda, tarkibimizni ancha kuchaytirib oldik. Yaxshi saviyadagi o'yinchilarni taklif qildik. Kuchli mutaxassis ishlamoqda. SHulardan kelib chiqib, jamoamiz o'z oldiga chempionlik vazifasini maqsad qilgan. Bu yo'ldagi ilk qadamimizni g'alaba bilan tugata oldik.
- Klub bilan tuzgan shartnomangiz 2022 yilga qadar mo'jallangan. Bu klubda hamma narsa sizni qoniqtirmoqdami?
- Albatta. Bu mavsum men uchun “Borneo”dagi uchinchi yilim hisoblanadi. Prezident hamda bosh murabbiy bilan munosabatlarimiz alo darajada. “Borneo” menga barcha sharoitlarni yaratib bergan. Hamma narsa meni qoniqtirmoqda. Qisqasi, “Borneo”dagi faoliyatimdan ko'nglim to'lmoqda.
2229126363739829 
Bosh sahifaga
210
19 Aprel 2026, 13:46