Muborakda "asr sensaciyasi" bo'ladimi?

G'alaba har 2 tomonga ham suv va havodek zarur. "Andijon" ayni paytda Superligani tark etish uchun asosiy davogar bo'lib turibdi.  "Mashal" esa xavfli hududdan 2 ochko yuqoriroqda. 17-turning o'zidayoq "Surxon" muborak klubini ortda qoldirib, autsayderlar orasiga qo'shib qo'yishi mumkin.

Birinchi davra

Mazkur jamoalar Superliganing4-turida o'zaro to'qnashishgan edi. O'shanda kuchlar teng kelgan (1:1).

Coca Cola Superliga. 4-tur
ANDIJON – MASH'AL 1:1  

1 aprel 2021 yil. Andijon. "Bobur Arena" stadioni.

Gol: Samuel Ononivu 21, 0:1 - Jasur Jaloliddinov 33, 1:1

"Andijon": 1. Nizomiddin Ziyovuddinov, 3. Edgar Bernxardt (70.Diyor Rahimqulov, 70) (S), 4. Usmonali Ismonaliev, 5. Abduvohid G'ulomov, 7. Martin Boake, 8. Baxtiyor Qosimov (Kamron Saidazimov, 46), 10. Jasur Jaloliddinov, 14. Doniyor Ismoilov (17.Farhod Sohibjonov, 70) 28. Sunnatilla Hamidjonov, 33. Doniyor Abdumannopov, 49. Plamen Dimov.
Zaxira: 44. Jasur Umrzoqov, 2. Kemran Najafaliev, 6. Ibrohim Otaxonov, 9. Kamron Saidazimov, 17. Farhod Sohibjonov, 70. Diyor Rahimqulov, 77. Muhammad Isaev.

"Mashal": 12. SHohruh Eshbo'taev, 7. Ifiani Ifiani, 10. Humoyun Murtozaev, 11. Samuel Ononivu (21. Ukeme Villiams, 88), 13. SHahzod SHaymanov, 17. Jamoliddin Ubaydullaev, 18. Abbos SHodmonov, 19. Sardor Abduraimov (S) (9. Doniyor Usmonov, 82), 20. Xudoyorxon Sagdullaev (27. Muhammad Yo'ldoshev ,61), 22. Siroj Qo'ziev, 23. Samandar SHukurillaev.
Zaxira: 1. Botir Nosirov, 2. Zafarbek Akramov, 5. Najmiddin Normurodov, 8. Ibi Mishel Okoro, 9. Doniyor Usmanov, 21. Ukeme Villiams, 27. Muhammad Yo'ldoshev.

Ogoxlantirishlar: Baxtiyor Qosimov ("Andijon") 10, Sunnatilla Hamidjonov  ("Andijon") 46, Abduvohid G'ulomov ("Andijon") 53, Nizomiddin Ziyovutdinov ("Andijon") 90+3, Ukeme Villiams ("Mashal") 90+10.

Safarda o'ynolmaydigan "Andijon"

"Andijon" mavsum davomida 11 o'yinni "Bobur Arena"dan tashqarida o'tkazdi (Olmaliqda AGMK bilan, Namanganda "Qizilqum" va "Turon" bilan o'tkazilgan o'yinlarda "burgutlar" rasmiy mezbon edi). Etiborli jihati, "Andijon" mazkur bahslardagi 33 ochkolik imkoniyatdan faqat 3 ball yig'ishni uddaladi. To'plar nisbati: -13 (7-20). Jamoaning safardagi yagona g'alabasi 12-tur doirasida "Navbahor" maydonida qo'lga kiritilgan edi (0:1).

Viktor Kumikov shogirdlari bu borada Superligadagi eng yomon jamoa bo'lib turishibdi.

Mezbon faktori

Yuqorida "Andijon"ning joriy mavsum safar o'yinlarida muvaffaqiyatsiz ishtirok etayotgani haqida aytdik. Bilasizmi, "Mashal" maydoni "burgutlar" uchun jahannamning o'zginasi hisoblanadi. "Andijon" O'zbekiston chempionatlari tarixida biror marta ham Muborakdan g'alaba bilan qaytmagan. 18 o'yin — 3 durang, 15 mag'lubiyat (Quyi diviziondagi o'yinlar ham hisobga olingan). To'plar nisbati: -34 (9-43).

SHunday ekan, ertaga Kumikov shogirdlari nafaqat bu yil yoki 21-asrda, balki o'z tarixida ilk bor Muborakda zafar quchishi mumkin. Nima deb o'ylaysiz, sensaciya ko'ramizmi?

"SHavkat "molodec", klubdan faqat nom qolgan" — Usmon Toshev