"Albatta qiyin o'yin o'tkazdik. Bahs olti ochkolik ekanligini barchamiz his qilib turgandik. Balki bugun yaxshi o'yin ko'rsata olmagandirmiz. Biroq uch ochko ishlashni uddasidan chiqa oldik, deb o'ylayman. Umuman olganda maydonda tengma-teng kurash kechdi",- deydi Viktor Kumikov.
- Legioner mahalliy futbolchilardan bir bosh ustun bo'lishi kerak. O'yin yakunlanishiga 5 daqiqa qolganida Pavel Zabelinni tushirdingiz. Ertaroq tushganida foydasi ko'proq tegishi mumkin edimi?
- Jamoamizdagi bir nafar legioner Qozog'iston terma jamoasi azosi hisoblanadi. U hali tiklanishga ulgurgani yo'q. Lekin har ehtimolga qarshi ushlab turdik. Umuman olganda yomon o'ynamadi.
- O'z vaqtida "Mashal"da faoliyat olib borgansiz. O'sha vaqtdagi jamoa bilan hozirgisi o'rtasida farq katta. Bugun mazkur jamoani yutishni bilarmidingiz?
- Men "Mashal"ni boshqargan vaqtimda futbolchilar kuchliroq edi. Jamoa yuqori o'rinlar sari kurashgan. Hozirda bunday darajadagi futbolchilar yo'q. Mening fikrimcha, futbol darajasi pastladi. Buni o'zbek klublarining xalqaro maydondagi ishtiroki ham aytib turibdi. O'zbekiston chempionatida bir nechta kuchli jamoalar sovrinli o'rinlar uchun kurashardi. Hozir faqat "Paxtakor" favorit. Qolgan o'rinlardagi jamoalarning saviyasi deyarli bir xil. Kimda pul bo'lsa barqaror qatnashmoqda. Akademiyasi, infratuzilmasiga ega klublar qolganlardan ajralib turibdi.
- Sizningcha bugun "Mashal" o'ynay olmadimi yoki to'p tepishni istamadimi?
- "Mashal" yomon o'ynamadi. Bizga bosim uyushtirishga harakat qildi. Biz penaltini golga aylantirdik.
- Aleksandr Xomyakov bilan munosabatlaringiz qanday?
- Yaxshi. U Qozog'iston chempionatida qo'l ostimda to'p tepgan. Aleksandr Xomyakovni murabbiy sifatida O'zbekistonga olib kelganman. Munosabatlarimiz ko'ngildagidek.
Bosh sahifaga
292
21 Aprel 2026, 13:40