"Fikriimcha, o'yinni ko'rdinglar. Ortiqcha izohga xojat yo'q, deb o'ylayman. "Nasaf" yaxshi jamoa. Ularga qarshi ochiq o'yin ko'rsatish xato. Himoyadagi xatolar qimmatga tushishi malum edi. Bunday o'yinlarda kamroq xato qilish kerak. Umuman olganda bu o'yinga mashg'ulotlar orqali yaxshi tayyorgarlik ko'rgandik. Spad har doim bo'ladi. Futbolchi maydonga borini berib chiqishi kerak. Keyingi o'yinga hozirlik ko'rish uchun vaqtimiz kam. Ishlashda davom etamiz. AGMK, "Navbahor", "Paxtakor" bilan masuliyatli uchrashuvlar kutmoqda. "Nasaf" bunga qadar to'rtta o'yindan beri yutmay kelayotgandi. Haqqoniy g'alaba bilan ularni tabriklayman. Bugun durangga ham harakat qila olmadik",- deydi Igor SHkvirin.
- Sardor Abduraimovning jamoaga moslashishi qanday ketyapti? U "Mashal"da Humoyun Murtazoev bilan ajoyib tandem bo'lardi. Bugungi o'yinda buni ko'rganimiz yo'q...
- So'nggi paytlarda olgan jarohati o'z so'zini aytdi. U ko'p vaqtni o'tkazib yubordi. Moslashishi cho'zildi. Humoyun va Sardor mashg'ulotlarda ham yaxshi chiqishishi ko'rinyapti. Nima uchun bugun o'xshamadi? Boisi ko'proq himoyalanishimizga to'g'ri keldi. Tezkor hujumlar uyushtirishni imkoni bo'lmadi. Moslashish yomon bo'lmayapti.
- "Lokomotiv" bilan o'yinda ko'proq oldinga chiqish kerakligi haqida ko'rsatma berdingiz. Lekin jamoa nima uchundir orqaga o'ynadi. Balki qo'rqishayotgandir yoki markaziy yarim himoyachilarga ishonch etishmagandir...
- Markaziya yarim himoyachilar bugun birinchi marotaba jamoaga kelgandek taassurot qoldirdi. Yana takrorlayman "Nasaf" yaxshi jamoa. To'p bilan tez harakat qiladi. Zamonaviy futbol ko'rsatadi. O'ziga ishonsa yoki ishonmasa uzatmani aniq amalga oshirishi kerak. Lekin qandaydir sarosima bordek. To'pni ko'p yo'qotishdi.
- To'g'risini aytganda taqvim "Turon" uchun juda qiyin kelmoqda. Ketma-ket kuchli raqiblar bilan o'ynashiga to'g'ri kelmoqda...
- Qiyin taqvim "Turon"ga tushib qoldi. Men bunga oddiy qarayman. Qolgan klublarga ham oddiy kelmagan. Xo'sh, nima qilish kerak? Maydonga chiqib o'ynamaslik kerakmi? Ertaga Olmaliqqa boramiz. Ular ham yaxshi jamoa. Gol urish va g'alaba qozonish kerak.
- Jamoaga kelganingizga ikki yarim oydan oshgan bo'lsada, futbolchilar bilan o'zaro hali tushunib ketmaganingizdek ko'rinyapti...
- Bugun "Nasaf" bizda nimadir o'xshashiga yo'l qo'ymadi. Ikkinchidan bunga o'zimiz ham aybdormiz. Sizga savol bir jamoani qurish uchun nechchi yil vaqt talab qilinadi? Kundan-kunga oldiga qarab intilib boryapmiz. Ikki oyda jamoani qurib bo'lmaydi. Oldimizga jamoani Superligada olib qolish vazifasi qo'yilgan. Umid qilamanki, vazifani bajara olamiz. Hamma narsa birgalikda bo'lishi kerak. SHartnoma imzolayotganimda bunga ko'zim etganki, rozi bo'lganman.
- Asosiy tarkibni aniqlab olganmisiz?
- Asosiy yoki zaxira tarkibi degan narsa yo'q. Masalan o'yingacha hafta davomida kim mashg'ulotlarda yaxshi qatnashsa, o'sha tushadi. Yoki o'yingacha kimdir betob bo'lib qolishi ham mumkin. Masalan bugun Toshtemirov va Kasminin asosiy tarkibda tushirish rejadan o'rin olgandi. Rossiya terma jamoasida barcha futbolchilar sardor bo'lgani kabi, bizda ham hamma asosiy tarkib futbolchisi bo'lishi mumkin. O'yin kuni kim maydonga tushsa, o'sha asosiy tarkib futbolchisi.
Bosh sahifaga
225
24 Aprel 2026, 05:51