Evgeniy Kochnev: “Agar yaxshi taklif bo'lmasa Bangladesh chempionatiga qaytishim mumkin”

 Futbolchi “Uttarad Baritxa” sharafini himoya qildi. Kochnev mavsum yakunlari va kelgusidagi maqsadlari bo'yicha o'z fikrlarini bildirdi.

- Evgeniy, aslida Bangladeshga yo'l olishingiz qay tariqa amalga oshgandi?

- Mavsum boshida Bangladeshdan bir agent men bilan aloqaga chiqqan edi. U “Uttarad Baritxa” klubidan taklif bo'layotganini aytdi. Borib, sharoitlari bilan tanishib chiqdim. SHu tariqa, klub bilan shartnoma imzolagandim.

- U erdagi faoliyatingizdan qoniqish hosil qildingizmi?

- Albatta. Bosh murabbiy barcha o'yinlarda menga ishonch bildirdi. Klubim safida bir nechta gollarni ham urishga muvaffaq bo'ldim. Umuman olganda, mavsum men uchun omadli tarzda kechdi. Klubimiz yangi jamoa bo'lsa-da, ko'plab jamoalarga yaxshigina boshog'riq bo'ldi.

- Kelgusida ham faoliyatingizni Bangladeshda davom ettirmoqchimisiz?

- Barchasi kelib tushadigan takliflarga bog'liq. Agar birorta yaxshiroq taklif tushmasa, balki yana Bangladesh chempionatiga qaytishim mumkin. CHunki u erdan ham bir nechta jamoalar qiziqish bildirgan.

- Oxirgi yillarda Bangladeshda o'zbekistonlik futbolchilar soni oshmoqda. Bu nima bilan bog'liq?

- CHunki bizning futbolchilar juda yaxshi o'yin ko'rsatishmoqda. Mahalliy yigitlardan bir bosh ustun. SHu jihatidan klublar imkon qadar o'zbekistonlik futbolchilarni jalb qilmoqda.

- O'zimizning klublarimizdan ham takliflar tushmoqdami?

- Har qalay taklif bor. Biroq men o'zimda legioner sifatida to'p tepish istagi yuqoriligi sababli, chetga yo'l olmoqdaman.