"O'yin haqida fikr bildiradigan bo'lsam, barcha chiziqlarda raqibga mag'lub bo'ldik. "Xorazm"ni g'alaba bilan tabriklayman. Tezkor gol o'yinimizni, rejalarimizni o'zgartirib yubordi. Yigitlar o'zlariga kelib hujumlar tashkil qilishni boshlaganida ikkinchi golni o'tkazib yubordik. Tanaffusda kerakli ko'rsatmalarni berib, o'yinchilarni almashtirdik. Lekin bu foyda bermadi. Bugun eng yomon o'yinimizni o'tkazdik. Yutqazdik, oqlash uchun hech qanday bahonamiz yo'q.
Mavsum boshida to'rt nafar legionerimiz bor edi. Ularning ikkitasidan voz kechib, ikkitasini olib qolgandik. Butun jamoa yutqazdi. Birinchi davradan so'ng tajribali futbolchilarga javob berib yuborib yoshlarni jalb qildik. Yosh futbolchilarda barqarorsizlik kuzatiladi. Keyingi mavsumga jamoani shakllantirish uchun yoshlarni tarkibga kiritganmiz. Bunday mag'lubiyatlardan to'g'ri xulosa chiqarib, keyingi uchrashuvga tayyorgarlik ko'ramiz. 2022 yildagi maqsadimiz Superligaga chiqish.
Muhammadqodir Rahimberganov yosh va kelajagi bor futbolchi. SHu bois uni jamoaga jalb qildik. Mashg'ulotlarda ishlamoqda. "Xorazm" bilan o'yinga yaxshi qo'shilib keta olmadi",- deydi Bekzod Qodirqulov.
Bosh sahifaga
240
26 Aprel 2026, 09:18