Video  Abdusamad Do'rmonov: "SHoshilmaylik, oldinda hali ikkita o'yin bor"

- Abdusamad aka, bugungi o'yin haqida fikrlaringiz...
- Juda og'ir o'yin o'tkazdik. Menimcha yigitlar o'tgan o'yindan so'ng jismoniy jihatdan tiklanishga ulgurishmadi. Birinchi bo'limda ko'p samarasiz vaziyatlar bo'ldi, bu borada yigitlarga ko'p tushuntirmoqdamiz. Tanaffusda bu borada ko'rsatmalar berdik, futbolda asosiysi bu muvaffaqiyatli uzatmalar hisoblanadi. Yaxshi uzatma bo'lsa, to'p vaqtida etkazib berilsa, jamoaning o'yini yaxshi chiqaveradi. Tushunaman, natija uchun o'ynadik, muhimi g'alaba qozondik, yigitlarga rahmat.

- Jamoa 2-3 kun ichida yana o'yin o'tkazadi. SHu vaqt ichida yigitlar tiklanishga ulguradimi?
- Ayni shu masalani aytib o'tayapmiz. Asosiysi futbolchilarning tiklanishi. Oldimizda ikkita o'yin bor, mavsumni yaxshi darajada tugatish uchun harakat qilamiz.

- "Neftchi" Superligaga chiqadigan bo'lsa, tarkibga yangi futbolchilar jalb etilishi mumkinmi?
- SHoshilmaylik, hali vaqt bor. Oldimizda ikkita o'yin turibdi.

- Aytaylik, boshqa jamoalardan tarkibga jalb etish uchun ko'z ostingizga olib yurgan futbolchilar bormi?
- Selekciya doim bo'ladi, mos futbolchilarni kuzatib yuramiz albatta. Avval mavsumni tugatib olaylik, oldimizdagi vazifani bajaraylik, shundan so'ng yangi mavsum haqida o'ylashni boshlaymiz.

Bekzod Tolibov yozib oldi