Yaqinda klub yana o'zining avvalgi homiysi "O'zbekneftgaz" AJga qaytdi. Bu borada batafsil malumot olish maqsadida "Bunyodkor" jamoasi direktori Ulug'bek Mirzaevga yuzlandik. Suhbat Javlon Ibrohimov masalasi, futbolchilar bilan shartnomalarni uzaytirish va boshqa mavzularni o'z ichiga qamrab oldi.
"O'zbekneftegaz"ga qaytish va maoshlar bilan bog'liq qarzdorliklar haqida
"2021 yil 27 avgust kuni O'zbekiston Respublikasi Bosh vaziri Abdulla Aripov boshchiligida o'tgan yig'ilish bayoniga asosan "Bunyodkor" futbol klubi "O'zbekneftgaz" AJ bosh homiyligiga qaytarildi. Bundan buyon klubimizga "O'zbekneftgaz" AJ ham muassis, ham bosh homiy bo'ladi. Ayni kunlarda bizda moliyalashtirish boshlandi. Bir hafta oralig'ida xodimlarga, futbolchi va murabbiylarga iyun va iyul oyliklarini to'lov qildik. SHu 1-2 kunda xudo xohlasa avgust oyi maoshi va mukofot pullarini ham topshiramiz. "So'g'diyona" bilan uchrashuvga qadar berishni rejalashtirganmiz. Bu narsalar shunchaki o'z-o'zidan bo'layotgani yo'q. Buning uchun klubimiz prezidenti Mehriddin Razzoqovich Abdullaevga jamoamiz nomidan katta minnatdorchilik bildirmoqchiman. Bizni qattiq qo'llab-quvvatlab turibdilar. Buning samarasi o'laroq Superliganing so'nggi turlarida jamoamiz yaxshi natijalar qayd etmoqda. Sovrindorlar qatoriga kirish uchun loyiq ekanligimizni isbotlamoqdamiz"
Javlon Ibrohimov masalasi
"Xabaringiz bor, Javlon Ibrohimov va “Bunyodkor” o'rtasidagi ish Lozzanadagi sport arbitraj sudiga oshirilgan. Bu ishni ko'rib chiqish uchun alohida sudya belgilangan. Norvegiyalik Espen Oberg ismli sudya masalani ko'rib chiqmoqda. Menimcha oktyabr oylarida qaror chiqib qolsa kerak. 24 sentyabr sanasigacha Javlon Ibrohimovga o'z fikrlarini bayon qilish uchun vaqt berilgan. SHundan keyin sudya barcha materiallarni to'playdi”
Futbolchilar bilan shartnomalarni uzaytirish va yangi shartnomalar tuzish yo'lida harakatlar boshlandimi?
“Biz 12 sentyabr kuni klub prezidenti bilan uchrashuvda bo'ldik. Bir nechta masalalar atroflicha o'rganib chiqildi. SHu jumladan “Bunyodkor” bilan shartnomasi yakunlanayotgan boshqa futbolchilarimizga bizni ogohlantirib yoki ogohlantirmay, qoidalarga zid ravishda chiqayotgan klublar bo'lyapti. Bu narsani muhokama qildik. Klub prezidenti shaxsan o'zlari o'sha futbolchilar bilan gaplashishlarini, jamoada qolishligini, ularga yaxshi sharoitlar yaratib berishligini aytdilar. Yani jamoaning futbolchilarini olib qolishga harakat qilamiz. Xudo xohlasa hammasi yaxshi bo'ladi. Ayni paytda asosiy maqsadimiz chempionatni yaxshi holatda yakunlab olish. Iloji boricha OCHLga yo'llanma beradigan o'rinni qo'lga kiritishni, O'zbekiston kubogini qo'lga kiritishni niyat qilganmiz. Keyingi yilgi rejalar, xarajatlar smetasi ham bu yilgi ishtirokimizga qarab belgilanadi. Jamoani tarkibiga ham mavsum yakunlangach yana etibor qaratamiz”,- deydi Ulug'bek Mirzaev.
Abdulaziz Iskandarov
Bosh sahifaga
279
29 Aprel 2026, 08:03