O'zPFL musobaqa taqvimini elon qilishga ham ulgurdi.
Unga ko'ra, quyi to'rtlik jamoalari uchun mavsum oktyabr oyi oxirida yakunlanadi. Ammo yuqori to'rtlik so'nggi turni 21 noyabr sanasida o'tkazadi. Bu tafovut yuqori to'rtlik jamoalari uchun 14 oktyabrdan 6 noyabrga dovur yuzaga keladigan tanaffus tufayli paydo bo'ldi.
Ko'pchilikni Pro liga taqvimidagi 22 kunlik tanaffus qanday paydo bo'lgani qiziqtirmoqda. Bu borada tahririyatimizga murojaat qilganlar ham bo'ldi. Bugun shunga oydinlik kiritishga qaror qildik.
Malum bo'lishicha, PFLning rejalari boshqacha edi va barchasi U-23 jamoalari o'rtasida Quvaytda o'tkaziladigan turnir sabab o'zgarib ketdi. Bu musobaqada yurtimiz sharafini Timur Kapadze boshchiligidagi terma jamoa himoya qiladigan bo'ldi. Xabaringiz bor, Timur Kapadze ayni paytda "Olimpik" klubiga ham ustozlik qilyapti va uning shogirdlari Superliga yo'llanmasi uchun kurashadigan yuqori to'rtlikning ichida. SHu tufayli Pro liga jadvalining tepa qismida ixtiyoriy-majburiy tanaffus yuzaga keldi.
Lekin masalaning boshqa tomoni ham bor. Quvaytdagi turnir 25-31 oktyabr kunlari bo'lib o'tishidan xabaringiz bor. Timur Kapadze esa unda ishtirok etadigan shogirdlarini 17 oktyabrda yig'ishni so'ragan. Bu o'z-o'zidan tanaffusni yana 1 haftaga uzaytirdi.
SHu o'rinda savol tug'iladi. Kelasi yil o'tadigan U-23 Osiyo chempionatida mezbon sifatida qatnashishimiz aniq. Quvaytdagi turnirning biz uchun rasmiy jihatdan hech qanday ahamiyati yo'q va faqat tayyorgarlik vazifasini o'tashi kerak. Xo'sh, shunchaki tajriba uchun qatnashiladigan musobaqaga tayyorgarlikni 1 hafta oldin boshlash shartmi? To'g'ri, tayyorgarlik va yig'inlarning hech qanday zarari bo'lmasligi mumkin. Biroq bu Pro ligada ishtirok etayotgan 4 klubning manfaatlariga zarar etkazmasligi kerak emasmi?
Saytimizda roppa-rosa 1 hafta oldin ayollar terma jamoasi ustozi Bahrom Norsafarovning istagi bilan butun boshli chempionatning 17-turi keyinga qoldirilgani haqida maqola elon qilingan va bu holat qoralangandi. Endi esa Timur Kapadzening xohishi bilan "Neftchi", "Nurafshon" va "Dinamo" manfaatlariga putur etadigan bo'lib turibdi. Nima deb o'ylaysiz, terma jamoalarda faoliyat yuritayotgan mutaxassislar kun kelib ularga kadr etkazib berayotgan ichki chempionatimizni hurmat qilishni o'rganishadimi?
CHempionat yoki terma jamoa?
2239226614739829 
Bosh sahifaga
273
30 Aprel 2026, 09:48