Igor SHkvirin: "Kurash so'nggi turga qadar davom etadi"

- AGMK adolatli g'alabaga erishdi. Futbolchilarning mahorati va jamoaviyligi ko'rindi. SHunday bo'lishini bilardik va futbolchilarni ogohlantirib ham qo'ygandik. Yana bir bor olmaliqliklarni tabriklayman.

- Fozil Musaevning himoyada o'ynagani o'zini oqladimi? Uning o'yiniga qanday baho berasiz?

- Fozil yaxshi o'yin namoyish qildi. Bu qarorga kelish aslida oson bo'lgani yo'q. Himoyamiz markazida muammolar bor edi. Toshtemirovning sog'lig'ida ham muammolar paydo bo'ldi. SHu sababli uni markaziy himoyaga qo'ydik. Birinchi paslarni qabul qila oladigan futbolchilar doimo himoyada o'ynay olishgan. Balki u havodagi kurashlarda unchalik yaxshi emasdir. Ammo uning paslari yaxshi. Balki bu katta ustunlik emasdir. Biroq shu orqali biz o'zimizni yaxshi his qildik.

- Turnir jadvalining quyi qismida kurash jiddiy. Imkoniyatlarni qanday baholaysiz?

- Bu so'nggi turga qadar davom etadi. Bizning taqvimimiz ham oson emas, raqiblar ham yutishi kerak. Holatni yaxshilashga harakat qilamiz. Mag'lub bo'ldik, yoqimli emas, lekin ruxni tushurib yubormaymiz.