Uchrashuvdan so'ng bekobodliklar hujumchisi SHahzodbek Nurmatov bilan suhbatlashdik.
“Qiyin o'yin bo'ldi”, - deya so'z boshladi Nurmatov. Ketma-ket mag'lubiyatlardan so'ng ruhiy tomondan holatimizda muammolar bor edi. "Andijon"ni katta ishtiyoq evaziga mag'lub etdik. Tabiiyki, bu bizga ruhiy tomonda dalda bo'ladi.
- "Metallurg"ning avvalgi turlardagi omadsizliklarini qanday baholaysiz?
- Yutqazgan o'yinlarimizda ham “Metallurg” yomon o'ynamadi. Gol urishimiz mumkin bo'lgan vaziyatlarda omadimiz kelmadi. Oddiy holatlarda o'z darvozamizdan gol olib chiqdik. Ketma-ket mag'lubiyatlardan so'ng ruhiy tomondan "o'ra"ga tushib qolgan edik. Bu g'alaba bizni ushbu "o'ra"dan chiqishimizga yordam beradi.
- Jamoaning ichki muhitida muammo yo'qmi?
- Yo'q albatta, aytganimdek, ruhiy "o'ra"dan chiqishga qiynalayotgandik. . Birgina g'alaba bizni shu vaziyatdan olib chiqib keta olardi.SHu yutuq "Andijon"da qo'lga kiritdik. Kelgusi bahslarda avvalgi o'yinlarda yo'l qo'yilgan xatolarimizni takrorlmaslikni harakat qilamiz.
- Juda kam gol urayotganingizni nima bilan izohlaysiz?
- Ko'proq gol urishim kerakligini bilaman. Afsuski, omad kelmayapti. Kelgusi turlarda barchasi joyiga tushishiga umid qilaman.
44009219873991931 
Bosh sahifaga
449
30 Aprel 2026, 16:41