Tongda Championat.asia'da "Ikki qayiqning boshini tutgan cho'kib ketadi" mavzusida maqola elon qilindi.
SHaxsan o'zimga Abramovning futboli yoqadi, haqiqatan ham chiroyli. O'ylashimcha, o'rtoqlik o'yinidagi natija unchalik muhim emas, g'alaba talab qilmaslik kerak. SHuning uchun o'yin yoki natijaga to'xtalmadim. Etiborimni boshqa jihat tortdi. 2018 yilgi mundial saralashida aynan shu muammo bizga pand berib qo'ygani uchun ham yozdim.
"Tezkor studiya" dasturining 5 noyabrdagi sonida SHahboz Beg'amov "Bunyodkor"da eng yaxshi taassurot qoldirayotgan Nurillo To'xtasinovning terma jamoaga chaqirilmaganini qoraladi. 13 noyabr kuni esa Tolibjon Qosimov Husniddin Aliqulov milliy jamoa libosida sinovdan o'tkazilishi mantiqiy qaror bo'lishini aytdi. Har ikki fikrda jon bor, ammo Iroq termasiga qarshi o'yinda "Nasaf" himoyachisiga 1 daqiqa ham o'yin amaliyoti berilmadi — Qobilov yana to'liq o'ynadi. Aynan shu qarorni noto'g'ri hisoblaganim uchun tonggi maqolani yozishga qaror qildim.
Material shunday so'zlar bilan yakunlangan edi: "Sanjar Qodirqulov hamda Islomjon Qobilov "SOCCER CAREER AGENCY" xizmatidan foydalanadi (bu agentlikning tasischilari haqida hech qanday malumot topolmadik). Har 2 futbolchining "Bunyodkor" bilan amaldagi shartnomasi joriy yilning 31 dekabrida yakuniga etadi va ularning legionerga aylanish ehtimoli yo'q emas. Bu bilan hech narsaga shama qilmoqchi emasmiz, shunchaki, fakt o'rnida qabul qilasiz".
SHundan keyin "SOCCER CAREER AGENCY" haqida malumot yig'ishga harakat qilib ko'rdik va uddaladik. Bizga malum bo'lishicha, ushbu agentlik rossiyalik Yuriy Belousga tegishli ekan. Malumot uchun, "Bunyodkor"ning sobiq yarim himoyachisi Jasur Jaloliddinovning "Lokomotiv" (Moskva)ga o'tishini aynan shu kishi tashkillashtirgan.
Aytishlaricha, Vadim Abramov va Yuriy Belous o'rtasidagi munosabatlar anchagina iliq ekan. O'ylaymizki, hech qanday do'stlik yoki muhabbat mamlakatimizning bosh jamoasi manfaatlariga soya sololmaydi.
Faxriddin Ro'ziev, O'zJOKU talabasi
2212610318739688 
Bosh sahifaga
249
18 Yanvar 2026, 14:54