Kun tartibidan ikkita o'yin o'rin olgan. Amaldagi chempion "Paxtakor" safarda "Andijon" mehmoni bo'ladi. "Paxtakor" turnir jadvalida 48 ochko bilan birinchi o'rinda boryapti. Jamoa 15 g'alaba va 3 durang qayd etgan hamda hali mag'lubiyatga uchragani yo'q.
"Andijon" esa 18-turdan so'ng atigi 12 ochko bilan oxirgi o'rinda turibdi. Andijonliklar shu paytgacha 3 bor g'alaba qozonib, 3 marta durang qayd etgan holda 12 uchrashuvda mag'lub bo'lishgan. To'plar nisbati 14-31.
Bugungi o'yinda ham "Paxtakor" favorit, biroq "Andijon" o'z maydonida qarab turmasa kerak. Viktor Kumikov shogirdlari o'tgan tur uyda "Metallurg"ga 1:2 hisobida yutqazib qo'yishdi. Undan oldingi tur esa safarda "Mashal"ni mag'lub etib qaytishgandi.
"Paxtakor" ikkinchi davrani ketma-ket 4 g'alaba bilan boshladi va o'tgan tur o'z maydonida "Navbahor" bilan durang o'ynadi. Bu jamoaning mavsum boshidan beri umuman yutqazmay kelayotgani tahsinga loyiq.
"Andijon" oxirgi to'rtta o'yindan uchtasida mag'lubiyatga uchradi. Jamoa Superligada qolishni istasa, ko'proq ochkolar yig'masa bo'lmaydi. SHundan kelib chiqib balki bugun astoydil harakat qilar.
 Andijon | Superliga. 19-tur 19/09/2021, 16:30 - : - Boshlanmadi |  Paxtakor |
2244426626739830 
Bosh sahifaga
333
5 May 2026, 09:46