O'yin taqdirini hal qilgan gol muallifi mezbonlarning 20 yoshli futbolchisi Farhod Sohibjonov bo'ldi. Uchrashuvdan so'ng yagona gol mualifi bo'lgan Sohibjonov bilan suhbatlashdik.
- Farhod, sizningcha “Andijon” nimaning evaziga “Paxtakor”ni mag'lubiyatga uchratdi?
- Mazkur uchrashuvga futbolchilar bilan jiddiy tayyorgarlik ko'rdik. Raqib kuchli bo'lsa-da, oxirgi soniyalarga qadar kurashdik. Qilgan mehnatimizga yarasha taqdirlandik deb o'ylayman. Bu g'alaba osonlikcha qo'lga kiritilgani yo'q. Futbolchilarning maydonda ko'rsatgan mehnatlari samarasi bilan qo'lga kiritildi deb o'ylayman. SHu o'rinda aytish kerakki, bugungi g'alabani muxlislarimizga bag'ishlayman.
- “Andijon” mavsum davomida bir tekis o'yin ko'rsata olmayotganiga munosabatingiz qanday?
- To'g'risi, bu savolizga nima deyishga ham hayronman? Har bir uchrashuvda yigitlar bor kuchlari bilan to'p tepmoqda. Vaziyatlar yaratmoqdamiz. SHunga qaramay, omadimiz kelmayapti. “Paxtakor”dek jamoani mag'lubiyatga uchrata olganimiz, bizga katta kuch taqdim qiladi deb o'ylayman. Superligada qolish uchun jon-jaxdimiz bilan harakat qilamiz.
- O'yin taqdirin hal qiladigan golni urishingizni kutganmidingiz?
- Yo'q albatta. Aynan mening golim jamoamga g'alaba taqdim qilishini umuman kutmagandim. Jamoadoshlarim tufayli ushbu golni urishga muvaffaq bo'ldim.
- Jamoangizni Superligada qolish imkoniyatini qanday baholaysiz?
- So'nggi turga qadar kurashamiz. Vazifani bajarish va muxlislarimizni xursand qilish asosiy maqsadimiz hisoblanadi. Umid qilamanki, biz oldimizga qo'yilgan mazkur vazifani to'liq bajara olamiz.
44009219873991931 
Bosh sahifaga
476
7 May 2026, 09:29