Og'ir o'yin bo'ldi. Albatta, bugun omad ham biz tomonda bo'ldi. Zaxira almashishlari orqali o'yinni kuchaytirishga urinishimizga qaramay, ikkinchi bo'limda vaziyatlar yarata olmadik. Bu maydonda "Qo'qon-1912" bilan o'tgan o'yinimizdan ko'ra qiyinroq o'yin o'tkazdik bugun. "Paxtakor" bilan o'yindan keyin safarda yana bir uchrashuv o'tkazdik. SHu bois, futbolchilarimizda charchoq sezildi, - deydi Viktor Jalilov.
- O'yinga alohida reja tuzamiz. Kim qanday tayyorgarlikka ega bo'lsa, poziciyalarda samara keltira olsa, o'sha futbolchi maydonga tushadi. Kosta Guttiner Qarshidagi o'yinimizda ham zaxiradan maydonga tushib o'yinni kuchaytirgandi. Albatta, tarkibda rotaciya qilinadi. Bu murabbiylar shtabining qarori, kimning asosiy tarkibda maydonga tushishini murabbiylar hal qiladi.
- Solovyovning jarohati bor edi. Uning o'zi kuchim etganicha o'ynayman, maydonga tushaman degani uchun maydonga tushirgandik. Jarohati qiynagani uchun uni almashtirdik. Muxlislarning qaytgani ham o'yinning shiddatiga ijobiy tasir o'tkazadi, albatta. Ularning borligi ham futbolchilarga kuch bag'ishlaydi.
- Bir mavsumda 30 ta o'yin o'tkazish bu kam. Mavsum davomida kamida 40 ta o'yin bo'lsa yaxshi bo'lardi.
- Qisqa muddatda ko'p o'yin o'tkazish futbolchilarning jismoniy va ruhiy holatiga tasir o'tkazadi. Ularning maydonda keraksiz paytda sariq kartochka olishlari ham shu bilan bog'liq deb o'ylayman. Faqat bir hujumchi bilan o'ynayotganimiz sababi, yarim himoyadagi boshqa futbolchilar ham hujum payti yagona hujumchini qo'llab-quvvatlashadi, shunday ekan, oldinda hujumchilar sonining nechtaligi muhim ahamiyat kasb etmaydi, - deya fikrlarini yakunladi Viktor Romanovich.
Bosh sahifaga
293