Igor SHkvirin: "Uchinchi o'yindirki, gol urolmayotganimiz xavotirli"

"Birinchidan, "Navbahor"ni g'alaba bilan tabriklayman. Ikkinchidan, bugun yigitlarimiz munosib o'yin ko'rsatishdi. Kurasha olishlari mumkinligini, futbol o'ynay olishlarini ko'rsatishdi. Ularga etirozim yo'q. Muxlislarimizga ham rahmat aytaman, ular bugun jamoamizni yaxshi qo'llab-quvvatlashdi, atmosfera futbolni sog'inganliklari sezildi. So'nggi daqiqalargacha muxlislik qilib, qayg'urishgani uchun rahmat. Mag'lubiyatga loyiq emasdik. Bugungi o'yinimiz bilan yutqazishga munosib emasdik, ochko olishimiz shart edi.

Bahsli vaziyatlar haqida gapirmayman, reglamentda qandaydir etiroz bildirishimiz taqiqlangan. Penalti borasida aynan hozir hech narsa deyolmayman, bir ozdan so'ng ko'rib chiqamiz, keyin shunga qarab, shikoyat yozishimiz mumkin. CHindan ham o'yinimizni kuchaytiryapmiz, lekin omadimiz kelmayapti. To'g'ri, omad ham kuchlilarga kulib boqadi, deyishadi. Omad kelmayotgani nimaga bog'liqligini bilmayman, bu borada nimadir deyolmayman. Uchinchi o'yindirki, gol urolmayotganimiz xavotirli. Vaziyatlar bor, lekin tarkibimizda yagona vaziyatdan foydalanadigan, deylik, Ronaldu singari futbolchilar yo'q. SHunday ekan, ishlashda davom etamiz. VAR yo'qligi haqida biror nima deyolmayman. Bizga VAR kerak emas, demaganmiz. Insoniylik faktori degan narsalar bor, ehtimol, shu narsa bugun o'z so'zini aytgandir. Umuman, avval bu tizim ishlatilgan o'yinlarni yodga oladigan bo'lsak, VAR borasida ham etirozlar etarlicha bo'lyapti.

Kimning asosiy tarkibga kirishini men hal qilaman. O'ziga yarasha sababi borki, Akmal Ortiqovning o'rniga boshqa darvozabon maydonga tushdi. Biz shuni maqul ko'rdik.

Hozir hujum chizig'imizda kim o'ynayotganiga qaraylik. Toshpo'latov "So'g'diyona"da tez-tez gol urib turardi. Uni maydonga tushirdik, o'yini qovushmadi. Uning o'rniga Kim Boyongni tushirdik, u ham gol urolmadi. CHunki hujumchi emas, birinchi davrada to'liq yarim himoyada o'ynagan. 

Nominal hujumchi etishmayapti. Humoyun Murtozaev ko'proq orqaroqdan hujumga qo'shiladiganlar toifasidan. Misol qilsak, "Navbahor"dagi O'rinboev – sof hujumchi. Jasur Hakimov bor edi, lekin uning harakatlari menga maqul kelmadi va jamoadan ketishiga qo'yib berdim. 

Mavsumlar oralig'ida sof hujumchi sifatida o'ynaydigan legionerlarni olib kelish imkoniyati bor edi, selekciya ham olib bordik. Biroq moliyaviy sabablarga ko'ra ular bilan kelisha olmadik", – deydi Igor SHkvirin.