"Bugun gol urish uchun imkoniyatlar bo'ldi, gol o'tkazishimiz ham mumkin edi. Bazida faol, bazida passiv o'ynadik. Umuman olganda yaxshi o'ynadik. Durang bizni qoniqtirmasdi, ammo bu futbol va keyingi o'yinlarga tayyorgarlik ko'ramiz. Yigitlarimga o'yin uchun rahmat aytaman", - deydi Ulug'bek Baqoev.
- "Mashal" va "So'g'diyona" ketma-ket to'rtinchi o'yinda durang o'ynashdi. "Mashal" jamoaingiz uchun noqulay raqibmi?
- Balki shunday bo'lsa kerak. Qaysidir manoda siz haqsiz. Birinchi davrada 2:0 hisobida oldinda borgandik va yakunda durang bo'lgandi.
- Ikkinchi taymda jarohat olgan Daniel Nasriddinovning holati qanday?
- Hozir bir narsa deyish qiyin. Sababi tekshiruvdan o'tgani yo'q. Umid qilamizki uning jarohati jiddiy emas.
- "So'g'diyona" mavsumni ajoyib boshlagandi, ammo 9-turdan keyin hozirgacha atigi 4ta gol urdi xolos. Balki o'yin uslubingizni o'zgartirish vaqti kelgandir...
- Yo'q, bu o'yin uslubimiz bilan bog'liq emas. SHunchaki boshqa jamoalar bizga boshqacha ishtiyoq bilan tushishni boshlashdi. Bizni hurmat qilishgani yoqimli.
- Bugun jamoa ikki ochko yo'qotdimi yoki bir ochko oldimi?
- Agar hozir ikki ochko yo'qotdik desam mezbonlarni xafa qilgan bo'lardim. Durang bo'ldimi demak bu adolatli natija. Ikkala jamoa ham g'alaba uchun harakat qildi.
- Nasimov odatda zaxiradan so'nggi daqiqalarda maydonga tushayotgandi, bugun esa asosiy tarkibda tushdi...
- Buning hech qanday sababi yo'q. SHunchaki bugun uni asosiy tarkibga kiritdim. Bu futbol va unda kimdir zaxirada qolishi, kimdir asosiy tarkibda tushishi kerak.
Bosh sahifaga
67
