"Darhaqiqat kurashlarga boy o'yin bo'ldi. Yutishni istagandik. Mag'lub bo'lishimiz ham mumkin edi. Hozirgi holatimizda ochko olganimizni hisobga olsak, natija yomon emas. Ko'rgan bo'lsangiz gol urish uchun chiroyli vaziyatlar bo'ldi. Bizda ham, raqibda ham imkoniyatlar yuzaga keldi. Ayni pallada bu durang bizga bir ochko berdi. "So'g'diyona" medallarga kurashmoqda. Raqib funkcional jihatdan yaxshi tayyorgarlik ko'rgani bilinib turibdi",- deydi Aleksandr Xomyakov.
- Jamoa birinchi davrada Jizzaxda 2:2 hisobida durang o'ynagandi. Ulug'bek Baqoev bilan to'qnashuv haqida nima, deya olasiz?
- Men bunga ko'p etibor berganim yo'q. Har bir o'yin biz uchun muhim.
- "Metallurg" bilan o'yindan so'ng SHavkat Saidov bilan yuzaga kelgan vaziyatni o'zaro muhokama qilib oldinglarmi? O'rtalaringda boshqa ziddiyat yo'qmi?
- Futbol haqida so'ranglar. "Sariq matbuot" bo'lib qolyapsizlar (kuladi). Futbol haqida savol bormi?
- Bugun "Mashal" durang uchun o'ynagandek ko'rindi...
- Vaziyatga real baho berish kerak. Dastlabki 15 daqiqalikda birinchi raqam ostida o'ynadik. To'g'ri hujumkor, muxlislarbop futbol ko'rsatishni istaymiz. Lekin imkoniyatdan kelib chiqib ish qilish kerak. "So'g'diyona"ning uslubini o'zrgartirgani meni ajablantirdi.
- Jamoada rasman siz bosh murabbiy bo'lsangizda ayrim holatlarda Dilyaver Vaniev turib ko'rsatma berayotganini ko'rishimiz mumkin. Bugun sariq kartochka bilan ogohlantirildi...
- Hakamlarni emas, o'yinni gapirishni istayman. Hissiyotlarda bo'lishi tabiiy.
- Godvin CHikani bugungi o'yini haqida fikringiz qanday? U to'rtinchi o'yindirki gol ura olayotgani yo'q...
- Futbolda mayda kamchilik bo'lmaydi. Mana shunday kichik vaziyatlarda futbolchining mahorati o'z so'zini aytyapti.
- OFK kubogi uchrashuvlari siz uchun qanchalik qiziq?
- Albatta "Nasaf"ga muxlislik qilaman va uchrashuvni tomosha qilaman.
Bosh sahifaga
67
