- O'yindan olgan taassurotlarim unchalik ijobiy emas. Bunday katta hisobda mag'lub bo'lishimizni kutmagandim. Qolaversa, hali faoliyatimda biror marta bunday hisobda yutqazmaganman. Endigi maqsadimiz - oddiy kundalik hayotga qaytib, bugungi mag'lubiyatni unutishimiz kerak bo'ladi. Biz bunday yirik hisobda yutqazadigan jamoa emasmiz. Bugungi raqibimiz super darajada kuchli o'yin ko'rsatib, bizni mag'lub etdi. Endi biz oldingidek kuchli darajamizga qaytib olishimiz kerak.
- "Nasaf"ning qaysi jihati murabbiyda yaxshi taassurot qoldirdi.
- Bugun "Nasaf" to'pni ushlab turishda yaxshigina ustunlik qildi. Aynan ular to'p bilan bo'lganligi uchun o'ylagan ishlari amalga oshdi. Bugun ular har tomonlama ajoyib o'yin ko'rsata oldi.
- Mag'lubiyatning sababi sifatida nimalarni keltira oladi?
- Mag'lubiyatning asosiy sababi sifatida jamoaning tezkor gol o'tkazib yuborganini aytishim mumkin. Aynan shu gollar bizning rejalarimizni buzib yubordi. Aslida o'yin oldidan ilk daqiqalardan to'pni bermaslikka, o'zini ko'rsatishiga imkon bermaslikni so'ragandim. "Nasaf"ning qanday kuchga ega ekanligini bilardik va yana bir bora ular yanada shakllangan jamoa ekanligini ko'rsata oldi. Buning natijasida biz o'yin tizginini qo'limizdan chiqarib yubordik.
- Bugungi o'yinning eng yaxshi futbolchisi sifatida kimni aytgan bo'lardingiz? Siz jamoangiz futbolchilari xizmatidan mamnun bo'ldingizmi?
- Aynan biror futbolchini ko'rsatib o'ta olmayman. Aynan "Nasaf" jamoasini ko'rsata olaman. Ular juda kuchli jamoa. Biz o'z maydonimizda birorta o'yin o'tkazmadik. Balki shunday bo'lganida bu bizning foydamizga ishlagan bo'larmidi...
Bosh sahifaga
258