Jaloliddinovning agenti Yuriy Belous: "O'zbekistonda 12 nafar futbolchi bizning mijozimiz"

"Lokomotiv" iqtidorli futbolchini qo'lga kiritgani shubhasiz. Men klub rahbariyatining o'rnida bo'lganimda o'zbekcha gaplashib olardim, jurnalistlarni chaqirardim va tanishtirardim. "Loko" nima uchun bunday qilmaganidan hayratlandim. Tomonlarning kelishuvi va ishlari haqida fikr bildirishim qiyin. Men shuni aytishim mumkinki, bu yuz foiz shaffof transfer. Futbolchi keldi, "Bunyodkor" esa yaxshigina mablag'ga ega bo'ldi. Uni "Tambov"ga ijaraga berishgani va boshqa voqealar bo'lib turadigan holat. “Tambov” rahbarlari bilan aloqalarim yaxshi. To'g'ri u o'ynashni istamoqda. Kubokda maydonga tushdi. Aleksey Miranchuk kabi tayyor futbolchi bo'lganida boshqa gap edi.

Ha, kompaniyamiz ko'plab o'zbekistonlik futbolchilar bilan shartnoma imzolagan. Ularni menejerlar ko'rishadi, malumot berishadi. “Paxtakor”, “Bunyodkor” va boshqa klublardan ham futbolchilar mijozimiz hisoblanadi. Umumiy hisobda 12 futbolchi. Jaloliddinov atrofidagi ziddiyatlar “Bunyodkor”ning muammosi. “Lokomotiv” o'z vazifasini bajardi. U erkin agent sifatida keldi. Klub FIFA qoidalariga ko'ra kompensaciyani to'ladi. Jaloliddinovning shartnomasida klub istayotgan pul yozilgan. “Bunyodkor” mo'maygina pulni oldi. U erda bir direktor ketdi, o'rniga boshqasi keldi va shartnomani uzoq vaqt topa olishmadi. Bu – O'zbekiston. Nima, Rossiyada bunday holatlar bo'lmaydimi?",- deydi Belous.