Mazkur uchrashuvdan so'ng yangierliklar sardori Abdumalik Toshpo'latov bilan suhbatlashdik.
- Bugun o'yin juda qiziqarli bo'ldi, - deya so'z boshladi Toshpo'latov. SHu o'rinda “Xorazm” jamoasini g'alaba bilan tabriklayman. O'yin davomida bizda golli vaziyatlar yuzaga keldi. Biroq omadimiz kelmadi. “Xorazm” esa qarshi hujumlarda yaxshi o'ynadi va imkoniyatlaridan to'g'ri foydalanib, darvozamizni ikki marotaa ishg'ol qildi. Omadimiz kelmagani tufayli bugun biz yutqazib qo'ydik.
- “Yangier” barqaror o'yin namoyish qila olmayotganiga nimalar sabab bo'lmoqda?
- Tarkibimizda o'zgarishlar yuzaga keldi. Bu esa o'yin uslubimizni o'zgarishiga sabab bo'ldi. SHu jihatlardan o'yin uslubimizda pasayishlar kuzatilmoqda.
- Mavsum boshlanishi arafasida klub oldiga qanday vazifalar qo'yilgan edi? Endilikdagi vazifalar nimalardan iborat?
- Rahbariyat mavsum boshlanishi arafasida Superligaga yo'llanma olish vazifasini yuklatgandi. Murabbiylar va futbolchilar almashinuvi tufayli ko'plab ochkolarni boy berdik. Endilikda esa imkon qadar o'z o'rnimizda qolish uchun kurashmoqdamiz.
- Klubda ishlab ketgan mutaxassislar xususida nimalarni ayta olasiz?
- Kim ishlagan bo'lsa ham jamoaga nimadir olib kirishga harakat qildi. SHu o'rinda men Ildar Sakaev borasida gapirsam. U jamoamizga ancha foydasi tegdi. Kuchli mutaxassis. Bu insonga o'z minnatdorchiligimni bildiraman. Kelgusidagi faoliyatiga omad tilab qolaman!
- SHartnomangiz qachon yakuniga etadi? Boshqa klublardan takliflar bo'lyabdimi?
- “Yangier” bilan shartnomam shu yilning dekabr oyida yakunlanadi. Oldimda bir nechta klublardan takliflar bor. Hozircha bu qaysi jamoalar ekanligini ayta olmayman. Mavsumni yakunlab olaveraylikchi, qolganini vaqt ko'rsatadi.
- Bugungi kunda “Yangier”ning moliyaviy holati qanday?
- O'rtacha. Rahbariyat yutgan o'yinlarimiz uchun mukofat pullarini berib kelmoqda. Maoshlarimiz bo'yicha sekin-asta berilmoqda.
Bosh sahifaga
253
12 May 2026, 10:32